[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.200 # Dvadasharanayacakra 2.200 Nyāyāgamānusāriṇī 2.200 - **Language:** Sanskrit ### [2.200](https://indike.org/pramana/in.jaina.post.dvadasaranayacakra!simhasuri.2.200) tathā cāhuriti svābhāvikatve jñāpakamāha . kaṭukarasaḥ kaṭuvipāka uṣṇavīryaścitrakaḥ, tadvad dantī kaṭukarasā kaṭuvipākā uṣṇavīryā, viśeṣastvasyāścitrakāt prabhāvena virecayati, prabhāva iti svabhāvaparyāyatvād rasāderapi svabhāvatvāt sa eva sāmānyaviśeṣābhyāṃ tathā tathā varṇyata iti, tasmād yat tvayoktaṃ kriyāto ghaṭādyutpattiḥ iti tatra pṛthivīmṛtpiṇḍaśivakādikramāpattavyaghaṭātmanaḥ sthairyātmavanna sta utpatti- iti kathaṃ ghaṭotpattyādi sambhāvyate ? pravṛttimṛdāṃ sa svabhāva eva . phalasvabhāvānurūpāḥ pravṛttayo'ta eva vyavasthitā iti prayāso'narthakaḥ . svabhāvādeva pravartitavyamityeva pravartante'pratarkato vastūni, akṣinimeṣadhātukaṇṭakādivat . vināśāvuktahetutvāt . itiśabdo hetvarthe, asmāddhetoḥ kathaṃ ghaṭotpattyādi sambhāvyate ? ādigrahaṇād vakṣyamāṇau vināśavipariṇāmāvapi kathaṃ sambhāvyete ? naiva sambhāvanīyaṃ tattrayamityarthaḥ . - [Previous: 2.199](https://indike.org/pramana/in.jaina.post.dvadasaranayacakra!simhasuri.2.199) - [Next: 2.201](https://indike.org/pramana/in.jaina.post.dvadasaranayacakra!simhasuri.2.201) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.263) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.200](https://indike.org/pramana/in.jaina.post.dvadasaranayacakra!simhasuri.2.200) · Pramāṇa