[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.207 # Dvadasharanayacakra 2.207 Nyāyāgamānusāriṇī 2.207 - **Language:** Sanskrit ### [2.207](https://indike.org/pramana/in.jaina.post.dvadasaranayacakra!simhasuri.2.207) svabhāvānabhyupagame tvityādi yāvad vādahānaṃ te iti . yadi svabhāvo nābhyupagamyate tataḥ sādhanadūṣaṇābhāvastato vādatyāgaḥ, tadyathā--pakṣahetudṛṣṭāntādayaḥ svena bhāvena sampannāḥ sādhanam, pakṣaḥ sādhyatvenepsito yadi viruddhārthānirākṛtaḥ, hetuḥ pakṣadharmaḥ sapakṣe san vipakṣād vyāvṛttaḥ, dṛṣṭāntaḥ sādhyānugatahetupradarśanamasati sādhye hetvasattvapradarśanaṃ ca . tadviparyaye tadābhāsā iti sābhāsaṃ sādhanaṃ svena bhāvena bhavati . tatsādhanadoṣodbhāvanaṃ dūṣaṇaṃ tadanyathoktirdūṣaṇābhāsa iti ca svena bhāvena vyavasthitamabhyupagamya sādhanaṃ dūṣaṇaṃ ca sābhāsaṃ vivadiṣurasi saṃvṛttaḥ, anyathā na sādhanaṃ na dūṣaṇaṃ ca svabhāvāpetāvayavārthavāditvāditi vādatyāgaste prāptaḥ . tasmāt svabhāva eva prabhuvibhutvābhyāṃ kāraṇaṃ jagata iti . evaṃ tāvat svabhāvavādaḥ . - [Previous: 2.206](https://indike.org/pramana/in.jaina.post.dvadasaranayacakra!simhasuri.2.206) - [Next: 2.208](https://indike.org/pramana/in.jaina.post.dvadasaranayacakra!simhasuri.2.208) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.267) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.207](https://indike.org/pramana/in.jaina.post.dvadasaranayacakra!simhasuri.2.207) · Pramāṇa