[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.211 # Dvadasharanayacakra 2.211 Nyāyāgamānusāriṇī 2.211 - **Language:** Sanskrit ### [2.211](https://indike.org/pramana/in.jaina.post.dvadasaranayacakra!simhasuri.2.211) syānmatam--bhāvamapi brūta iti, etaccāyuktam, yasmāt sa tatropakṣīṇaśaktitvāt svabhavanasya na prayojakaḥ, atibhāra eṣa hi śabdasya yadekaḥ svaśabdaḥ parabhavanavyāvṛttiṃ svabhavanapratipādanaṃ ca yugapat sakṛduccaritaḥ kuryāt, ato na prayojako na vācaka ityarthaḥ . artho vāsya svaśabdasya svaśabdaṃ na prayojayati śabdavṛttivirodhāt . tasmādasvabhavanavyāvartanamevārthaḥ . etadapi cāsvabhavanavyāvartanaṃ svaśabdasya naivāsti . kintvarthādgaterabhyupetya etad vicāritam . kimarthaṃ nāstīti cet, ucyate --asvasyābhūtatvāt svasyaiva bhūtatvād bhāvasyaiva bhūtatvādityarthaḥ . svaśabdārthābhāvānna svaśabdaṃ prayojayati vandhyāputravat . tadabhāvād bhāvaśabdavyatiriktārthaviṣayābhimataḥ svaśabdo'pi nāstītyata āha --na cābhūto vyāvartanāya prabhavatīti vākyaśeṣaḥ, abhūtatvād vandhyāsutavat . - [Previous: 2.210](https://indike.org/pramana/in.jaina.post.dvadasaranayacakra!simhasuri.2.210) - [Next: 2.212](https://indike.org/pramana/in.jaina.post.dvadasaranayacakra!simhasuri.2.212) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.269) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.211](https://indike.org/pramana/in.jaina.post.dvadasaranayacakra!simhasuri.2.211) · Pramāṇa