[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 2.214 # Dvadasharanayacakra 2.214 Nyāyāgamānusāriṇī 2.214 - **Language:** Sanskrit ### [2.214](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.214) itara āha --nanu ghaṭasya bhāvaḥ ityavyatirekaṣaṣṭhyā vyapadiśyamānatvāt paṭādivyatirekeṇa ghaṭa eveti svato'pṛthagbhūtena bhavanena, tataḥ paṭādibhedena bhavanasya kartā ghaṭa eveti . atrocyate --na, bhāvasyaiva tathā tathā bhavanāt, na brūmo ghaṭasya bhavanaṃ na paṭasyeti bhedavyapadeśo nāstīti, sa punarupacarito ghaṭādibhirabhinnasyaikasya bhāvasyaiva tathā tathā tena tena prakāreṇa ghaṭapaṭādinā bhavanāt, anyathā paṭādayo na bhavantyeva bhavanavyatiriktatvādityuktam . sa eva hi bhāvo ghaṭapaṭādirbhavati hastādibhavanakaraṇayoḥ puruṣabhavanakaraṇavat ghaṭādīnāṃ bhāvāvyatirekāt puruṣāvyatiriktahastādibhavanavaditi . taddarśayati --na hi hastādau bhavati kurvati vā devadatto na bhavati na karoti vā, hastādau bhavanakaraṇayoḥ kartṛtvaṃ pratipadyamāne tatsamudāyasyāvaśyaṃ tatpratipatteḥ samudayasamudayinoścānanyatvāt . tadupasaṃharati --ato bhāvatve'bhāvatve vā nāstyeva bhedo ghaṭādiriti . bhavane prastute karotigrahaṇaṃ kimartham ? sarvadhātūnāṃ bhavanārthatvapradarśanārtham, tata āha --yaṃ taṃ bhuvo'rthamabhidadhati sarvadhātava iti . etasmād bhāvānna ghaṭādirbhinna iti . - [Previous: 2.213](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.213) - [Next: 2.215](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.215) - [Up: 2](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.271) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.214](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.214) · Pramāṇa