[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 2.216 # Dvadasharanayacakra 2.216 Nyāyāgamānusāriṇī 2.216 - **Language:** Sanskrit ### [2.216](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.216) idānīṃ bhedakāraṇadiśamudgrāhya dūṣayiṣyannāha --vikalpo hītyādi . vikalpo na satyaḥ, sa tu bhavannebhistribhiḥ kāraṇairbhaved bheda-saṃsarga-pariṇāmaiḥ . tatra bhedena ghaṭād bhidyamānāt kapālāni parasparato bhinnānīti gṛhyante . saṃsargeṇa tantūnāṃ saṅghātena paṭastantubhyo'nya utpanna iti . pariṇāmena kṣīraṃ dadhitvena pariṇatam, dadhi kṣīrādanyat, eteṣāṃ cānyatā uktiprayojanādinānātvālloke prasiddheti, etā bhedavādyupapattayo bhavantyo bhaveyuḥ . tatra na cāsya bhedo na saṃsargo na vipariṇāma ityetāstisraḥ pratijñā eka- hetusādhyāḥ . ko'sau hetuḥ ? ucyate --ekatattvātmakatvāt, tasya bhāvastattvam, ekaṃ tattvamananyat, sa evātmāsya bhāva ityekatattvātmā, tadbhāvādekatattvātmakatvāt, pratisvatvavat, yathā svaṃ svaṃ prati pratisvaṃ tvanmatena bhinnānāmasādhāraṇaḥ svātmā yaḥ sa tu bhāva ityevaikatattvātmakatvānna bhedasaṃsargapariṇāmātmaka khapuṣpādirasattvāt . iti tattvādeva kuto'tra vikalpaḥ ? nanu bhedaḥ pratyakṣata eva gṛhyate pūrvottarādidikkālotpattivināśavastupravibhaktatvāt, abhedaśca na gṛhyate . asti kiñciditi bhāvavyatirekeṇa pūrvottarādidikkālotpattivināśavastupravibhāgābhāvāt sa eva hyutpātādyudakāgnitvavadanyathā vartamāno'nyathāpi vartata eva, na stathā bhāvo'pīti nāsti vikalpo bhāvasya . athāpi syādvikalpaḥ so'smanmatenaiva na bhedābhyupagamenetyata āha --vikalpena ca bhāva eva, nābhāvaḥ khapuṣpādirasattvāditi bhāvavadevāsau bhāva ekanityasarvagatatvādidharmā, tasyaiva ghaṭapaṭādinā bhavanam, nāsya bhedaḥ kaścit, bhedaścābhāvo bhāvānātmakatvādityuktam . tasmādasattvādasau na vikalpyeta bhedaḥ khapuṣpavat . ataḥ sambhāvyamānaśca svabhāva eva vikalpitaḥ tvanmate'pi tasyāpi bhāvasya iti tattvādeva prāguktahetuprakāreṇa tattvādekatvādeva kuto'tra bhāve vikalpaḥ . - [Previous: 2.215](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.215) - [Next: 2.217](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.217) - [Up: 2](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.272) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.216](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.216) · Pramāṇa