[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 2.220 # Dvadasharanayacakra 2.220 Nyāyāgamānusāriṇī 2.220 - **Language:** Sanskrit ### [2.220](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.220) brūyāstvam --atha samasta eva kasmād bhāvo na gṛhyata iti . atra tu samastagrahaṇaṃ vakṣyāmaḥ sakāraṇam, tvadgrāhavinivṛttyarthaṃ tāvat tvāṃ kiñcit pṛcchāmo nā'nāhatamukho mūrkhastiṣṭhatīti --atha bhedapakṣe paśyatā tvayā ghaṭaṃ kiṃ samasta eva ghaṭo na gṛhyata iti, parāntādibhāgāḥ kiṃ na pratyakṣāḥ ? ārādbhāgā eva kiṃ pratyakṣāḥ ? ityatra viśeṣakāraṇaṃ kathayeti . kiñcānyat, samānadoṣatvādacodyametat, ubhayoḥ samāno doṣo nāsāvekataścodyate--bhāvasya sarvagatasyāpratyakṣatvadoṣo mama nāstīti . svapakṣe bhedasya pratyakṣatvādiviśeṣaṃ paśyata etad yujyeta vaktum itthaṃ bhavati tathā na bhavati iti . etadapi sambhāvanayocyate, na tu sarvatraiva adarśanabhāk pakṣo yasya tava tasya na tu yujyata evetyarthaḥ, sarvatraiva na ghaṭe na rūpādau vā na kvacit pratyakṣatā yujyata ityarthaḥ . athavā svaparapakṣayoḥ sarvatraiva . etaduktaṃ bhavati--evaṃ hi svapakṣarāgāviṣṭo bhavān paramatsareṇa svadoṣaṃ naiva paśyati svacaraṇalagnapāśādarśī prayojanāvasthitāmiṣadarśī iva śakuniḥ, tvatpakṣe'tyantadarśanāsambhavādeva ghaṭādeḥ pratyakṣatvābhāvaḥ . - [Previous: 2.219](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.219) - [Next: 2.221](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.221) - [Up: 2](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.275) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.220](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.2.220) · Pramāṇa