[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.221 # Dvadasharanayacakra 2.221 Nyāyāgamānusāriṇī 2.221 - **Language:** Sanskrit ### [2.221](https://indike.org/pramana/in.jaina.post.dvadasaranayacakra!simhasuri.2.221) idānīmabhedapakṣa eva darśanaṃ sambhavati nānyatra iti vakṣyāma iti yaduktaṃ taddarśayiṣyannāha --tattu adarśanamiti . tat punaradarśanam, tu viśeṣe, viśeṣeṇātraiva abhedapakṣa eva nivartate, nānyatreti na bhedapakṣe yāvannirabhilāpyatvaśo bhedādityuktam . darśanaṃ tarhi katham ? iti tat samarthayati --ihābhede bhāve yadetat sarvaṃ tad bhāva evābhinnatvāt, tasyābhinnasya bhāvasya ya ekadeśo ghaṭastasya grahaṇe ghaṭasya grahaṇe tasyaiva grahaṇam bhāvasyaiva grahaṇaṃ samastasya . kiṃ kāraṇam ? tato'bhinnatvāt, tato bhāvād ghaṭasyābhinnatvāt ghaṭādvā bhāvasyābhinnatvāt . tad vyācaṣṭe --tadbhāvatvāt, tasyāpi bhāvatvāt tadbhāvatvāt paryāyāntareṇa hetvantaraṃ vā, ghaṭo'pi bhāva eva cābhinnatvāt, yo yo bhāvaḥ sa sa tadgrahaṇe gṛhyate . dṛṣṭānto deśa prati deśaḥ sarvāvibhaktabhavanavṛttyātmakatvāt sārvarūpyamanatikrāntaḥ, na cāsyordhvādhastiryagdikṣu mūrtivivartapratyaṅgānāmekatvābhimatabhedavat kvacidavacchedo vidyate . iti sa dhruvaḥ kūṭastho'vicālyanapāyopajano'vikāryanutpattiravṛddhiravyaya uktavat . svātmavat, deśasya svātmā deśasya bhāvaḥ svaṃ tattvaṃ bhāvādabhinnatvāt tadbhāvād gṛhyate bhāvavat tathā deśagrahaṇe samasto bhāvastadbhāvatvād gṛhyate . - [Previous: 2.220](https://indike.org/pramana/in.jaina.post.dvadasaranayacakra!simhasuri.2.220) - [Next: 2.222](https://indike.org/pramana/in.jaina.post.dvadasaranayacakra!simhasuri.2.222) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.276) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.221](https://indike.org/pramana/in.jaina.post.dvadasaranayacakra!simhasuri.2.221) · Pramāṇa