[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.229 # Dvadasharanayacakra 2.229 Nyāyāgamānusāriṇī 2.229 - **Language:** Sanskrit ### [2.229](https://indike.org/pramana/in.jaina.post.dvadasaranayacakra!simhasuri.2.229) idānīṃ vākyārtha ucyate --sa eko'navayavaḥ śabdo vākyārthaḥ, vākyaṃ ca vākyārthaśca vākyārthaḥ, vākyena yukto'rtho vākyārthaḥ, vākyasambadhī vākyād vākyasyaivārthaḥ . yathāhuḥ— ākhyātaśabdaḥ saṅghāto jātiḥ saṅghātavartinī . eko'navayavaḥ śabdaḥ kramo buddhyanusaṃhṛtiḥ .. padamādyaṃ pṛthak sarvaṃ padaṃ sākāṅkṣamityapi . vākyaṃ prati matirbhinnā bahudhā nyāyadarśinām .. vākyapa॰ 2 . 1, 2 iti . tatra yaiḥ eko'navayavaḥ śabdaḥ ityuktaṃ tairviniścityoktaṃ bhavanasyānavayavatvāt tathaiva padavākyaśabdatadarthādyātmatvāditi . na tu sarvāṇi ekasyaiva sarvatvāditi caritārtha eṣa dravyārtho vidhividhinayaḥ, hetorvāsmāt saṅgrahadeśatvāccāsya dravyārthateti, saṅgraho dravyārthaḥ, sa punardvividhaḥ--sarvasaṅgraho deśasaṅgrahaśca, ityevamādiśataprastāro'sāvārṣe śatabhedaśruternayānām . yathoktam --ekkikko ya satavidho satta ṇayasatā havaṃtyevaṃ āva॰ ni॰ 759 iti . saṅgrahasyāpi dravyārthatā titthakaravayaṇasaṃgahavisesapatthāramūlavākaraṇī . davvaṭṭhi+o ya pajjavaṇayo ya sesā vikappā siṃ .. sanmati॰ 1 . 3 tivacanāt . dravyārthasamāsaśca ādinaye vyākhyātaḥ . tasmāt saṅgrahadeśatvāt tadavayavatvādasya dravyārthateti . - [Previous: 2.228](https://indike.org/pramana/in.jaina.post.dvadasaranayacakra!simhasuri.2.228) - [Next: 2.230](https://indike.org/pramana/in.jaina.post.dvadasaranayacakra!simhasuri.2.230) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.281) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.229](https://indike.org/pramana/in.jaina.post.dvadasaranayacakra!simhasuri.2.229) · Pramāṇa