[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.43 # Dvadasharanayacakra 2.43 Nyāyāgamānusāriṇī 2.43 - **Language:** Sanskrit ### [2.43](https://indike.org/pramana/in.jaina.post.dvadasaranayacakra!simhasuri.2.43) naiva setyādi atrāpyaniṣṭāpādanasādhanam, naiva sā tathābhūtārthā havanakriyā tadābhatvāt, tadābhatvamasyāḥ paramārthena adānātmikāyā dānatvenādānāt, tacca siddham . yathā bālaramaṇakādikriyāyāṃ svādvannādisaṃjñādikriyāyāmanyonyadānabhojanādikriyāstadābhā eva evamidamapi dānamagnau prakṣepa iti . idaṃ cātrāniṣṭāpādanam --pradhānādivādasādhutā ca prasiddhiviparītetyādi, prasiddherviparītaṃ tattvam, tadbhāvastattvam, prasiddhiviparīte tattve sthito'rtho'sya vādasya, tadbhāvāt prasiddhiviparītatattvasthitārthatvād vedavādavat sādhutā syāt pradhānasaṃsargakṣaṇabhaṅgādyātmakādivādānām . pradhānādivādānāṃ vā asādhutābhyupagamavaduktahetorvedavādāsādhutā vā syādityubhayathāpyaniṣṭāpādanam . - [Previous: 2.42](https://indike.org/pramana/in.jaina.post.dvadasaranayacakra!simhasuri.2.42) - [Next: 2.44](https://indike.org/pramana/in.jaina.post.dvadasaranayacakra!simhasuri.2.44) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.159) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.43](https://indike.org/pramana/in.jaina.post.dvadasaranayacakra!simhasuri.2.43) · Pramāṇa