[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.45 # Dvadasharanayacakra 2.45 Nyāyāgamānusāriṇī 2.45 - **Language:** Sanskrit ### [2.45](https://indike.org/pramana/in.jaina.post.dvadasaranayacakra!simhasuri.2.45) evaṃ tāvadagnihotraśabdasya prayogo nirarthakaḥ . prasiddhiviruddhā ceyaṃ kalpanā, loke vede vā tasya tadarthābhāvāt . abhyupetyāpi apūrvaviśeṣābhidhānamapratyakṣatvāt tannirūpaṇaṃ havanena nopapadyata iti brūmaḥ, nirūpaṇavaidharmyāt . iha hi yad ghaṭādi vastu mṛdānayanamardanādikriyayā nirūpaṇārthaṃ pratyakṣata upalabdhacaraṃ tad vyapadiśyate anayā kriyayā ghaṭo nirvartate, asyāstat kāryam, idaṃ kāraṇam iti, dṛṣṭakāraṇakāryasambandhatvāt . na tu jātvadṛṣṭapūrvasya sādharmyadṛṣṭāntābhāve'numānābhāvāt . ata āha --na ca sa pratyakṣo'- pūrvo yatastena nirūpaṇamārabhyeta havanasya kāryakāryaṃ sa idaṃ cāsya kāraṇamiti . nirūpaṇaṃ vyākhyetyarthaḥ . sā kathaṃ vyākhyeti cet, ucyate --yenaṃ havanena dṛṣṭāpūrvanirvartanaśaktinā nirvartyo'gnihotrākhyo'pūrvo athocyeta--asyāstāvat prāpteḥ prasiddhirbhaviṣyati, tadanubandhāccetikartavyataiva kartavyatā . na tarhi punaḥ juhuyāt iti vācyaṃ syāt . api caivamuttarottaravirodhaparihāravicāraprāpyārthaparigrahāt puruṣapramāṇakastarka nirvartate tat tvayānuṣṭhātavyaṃ havanam, yathā mṛdānayanādikriyā ghaṭanirvartanārthamiti . tattu na yujyate, atyantamadṛṣṭakāraṇakāryasambandhatvādanayoḥ . - [Previous: 2.44](https://indike.org/pramana/in.jaina.post.dvadasaranayacakra!simhasuri.2.44) - [Next: 2.46](https://indike.org/pramana/in.jaina.post.dvadasaranayacakra!simhasuri.2.46) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.161) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.45](https://indike.org/pramana/in.jaina.post.dvadasaranayacakra!simhasuri.2.45) · Pramāṇa