[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.46 # Dvadasharanayacakra 2.46 Nyāyāgamānusāriṇī 2.46 - **Language:** Sanskrit ### [2.46](https://indike.org/pramana/in.jaina.post.dvadasaranayacakra!simhasuri.2.46) sambhāvanayaitadapi kṛtvā kalpanātmikayoktamapi na sambhavatīti ye'bhihitā doṣāstatparihāramanādṛtya pareṇa prasiddhamātrapratipādanārthamathocyeta--asyāstāvat prāpteḥ prasiddhirbhaviṣyatīti tato doṣaparihāro bhaviṣyatīti . prāpteriti, striyāṃ ktin pā॰ 3 . 3 . 94 ityatra ābādīnāṃ ca iti vaktavyaṃ gurośca halaḥ pā॰ 3 . 3 . 103 iti apratyayenāpavādena mā bhūd bādheti prāpaṇāt prāptervākyāntaraprāpitā prasiddhirbhaviṣyati . agnaye hotramagnihotramiti caturthīsamāsaḥ, yogavibhāgādaśvaghāsādyupasaṅkhyānādvā rūpasiddhistadarthaprasiddhiśca, tataḥ karaṇaṃ tatphalasambandhaśca karturiti sarvamupapannam . katamasmādvākyāt prāpitā prasiddhiriti cet, vakṣyamāṇe vākyāntare yadagnaye ca prajāpataye ca sāyaṃ juhoti mai॰ saṃ॰ 1 . 8 . 7 iti, ghṛtena payasā dadhnā juhuyāt iti . tadanubandhācca itikartavyataiva kartavyatā, tasyāḥ prāptervākyāntaraprāpitāyā anubandhāt sambandhādanuparatākāṅkṣāduttarāḥ sarvā itikartavyatā eva kartavyatāḥ . tāsāṃ cetikartavyatānāṃ prasiddhiragnihotrasya prasiddhistadātmakasyeti . atrocyate --na tarhi punaḥ juhuyāt iti vācyaṃ syāt, agnihotraśabdenaiva agniprajāpatyādisampradānajuhotyādītikartavyatenoktārthatvāt punarapi prāgabhihito yo na hi kaścijjuhotipunarvacanena ityādigranthārthaḥ sa eva doṣaprapañco'sminnapi vyākhyādhvanyupasthitaḥ . - [Previous: 2.45](https://indike.org/pramana/in.jaina.post.dvadasaranayacakra!simhasuri.2.45) - [Next: 2.47](https://indike.org/pramana/in.jaina.post.dvadasaranayacakra!simhasuri.2.47) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.161) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.46](https://indike.org/pramana/in.jaina.post.dvadasaranayacakra!simhasuri.2.46) · Pramāṇa