[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.55 # Dvadasharanayacakra 2.55 Nyāyāgamānusāriṇī 2.55 - **Language:** Sanskrit ### [2.55](https://indike.org/pramana/in.jaina.post.dvadasaranayacakra!simhasuri.2.55) kiñcānyat, kāraṇamātratve sati kartavyatā pratītikartavyataṃ parisamāptā vā syāt, aparisamāptā vā ? tatra tāvad yadi pratyekamitikartavyatāsu kartavyatā parisamāptā tataḥ pratītikartavyataṃ ca kartavyatāsamāpteritikartavyatāntarānārambhaḥ, ekayā ghṛtena juhuyāt ityanayaiva itikartavyatayā tanmātraparisamāptāyāḥ kartavyatāyāḥ kṛtatvāt payasā dadhnā ityādīnāmitikartavyatāntarāṇāmārambho nirarthakaḥ prāptaḥ . anārambha eva vā tasyā api kāraṇamātratvāt itikartavyataiva kartavyatā iti tvayaivābhyupagatatvāt nyāyataśca ghṛtādikāraṇadravyamātratvasya kriyāyāḥ pratipāditatvāt siddhaudanapacanavadanārambha eva prāptaḥ . evaṃ tāvat pratyekaparisamāptau doṣaḥ . pratyekaṃ tvasamāptāvakāraṇabhāvādatathātā ca, yadi śibikāvāhakakāraṇatvavat pratyekamasamāptā ca kartavyatā itikartavyatāsu tathāpyakāraṇatā, pratyekamakāraṇatvāt, sikatātailavat . itiśabdasya evamarthatvāt evaṃśabdasya ca prakārārthatvādevaṃ kartavyamitikartavyam, ghṛtādiprakṣepasvarūpakartavyatā tathātā, na tathātā atathātā, tattathātvaṃ na prāpnoti pratyekamakāraṇatvādityatathātā ca . nanūktaṃ śibikāvāhakavahanaśaktivat samudāye setikartavyatāśaktiriti, atrocyate --samudāyasyāpi ca tanmātratvādavayavamātratvāduktavaditi, uktaṃ hi tattva evātathābhūtestathābhūterveti, avayavā eva hi samudāyībhavanto dṛśyante, no cet sikatātailavadeva na syāt tilasamudāyatailamapi . - [Previous: 2.54](https://indike.org/pramana/in.jaina.post.dvadasaranayacakra!simhasuri.2.54) - [Next: 2.56](https://indike.org/pramana/in.jaina.post.dvadasaranayacakra!simhasuri.2.56) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.166) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.55](https://indike.org/pramana/in.jaina.post.dvadasaranayacakra!simhasuri.2.55) · Pramāṇa