[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.58 # Dvadasharanayacakra 2.58 Nyāyāgamānusāriṇī 2.58 - **Language:** Sanskrit ### [2.58](https://indike.org/pramana/in.jaina.post.dvadasaranayacakra!simhasuri.2.58) kiñcānyat, na kevalaṃ vākyabhedadoṣo bhedābhāvadoṣaścāpadārthātmakaḥ, śrutibhedo'pi vṛthaivaṃ sādhvasādhutvābhyām . evamiti kāraṇātmakakāryavādābhyupagamaprakāreṇoktamatidiśya saṅkṣipya sādhanamāha sodāharaṇam --ekārthatvād ghaṭakuṭavaditi, yathā pratītārthayorghaṭakuṭaśabdayorekārthatvādanyataraprayogo vṛthā sādhutvābhimatayoḥ, asādhutvābhimatasya gośabdamātrasya vācā-diśā-sāsnādimadartheṣu yugapat prayuktasya caikārthatvāt arthabhedadoṣaparikalpanāpariślathatā iti vartate . tasmāt padavākyaśabdayoḥ sādhutvāsādhutvāviśeṣācchiṣṭetaralokavyavahārāviśeṣaḥ . evaṃ te juhuyādukteḥ paunaruktyasvavacanavirodhau svaśabdoktāsatkāryavādatyāgaḥ kāraṇātmakasatkāryāvādābhyupagamaścetyapratipūrṇatarkatā sadoṣatvādityuktam . - [Previous: 2.57](https://indike.org/pramana/in.jaina.post.dvadasaranayacakra!simhasuri.2.57) - [Next: 2.59](https://indike.org/pramana/in.jaina.post.dvadasaranayacakra!simhasuri.2.59) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.168) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.58](https://indike.org/pramana/in.jaina.post.dvadasaranayacakra!simhasuri.2.58) · Pramāṇa