[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.67 # Dvadasharanayacakra 2.67 Nyāyāgamānusāriṇī 2.67 - **Language:** Sanskrit ### [2.67](https://indike.org/pramana/in.jaina.post.dvadasaranayacakra!simhasuri.2.67) evaṃ tarhi prāptivākyavṛttajuhotyanuvāda iti cet . syānmatam--prāptivākye agnaye juhoti iti śrutasyāgnisampradānakasya dānārthasya juhoteranuvādo'yaṃ ghṛtena juhuyāt iti juhotiriti . etacca na, tatra vidhiliṅviṣayasyāvṛtterajñātatvāt . naivamapyupapadyate, tatra prāptivākye juhoti ityasyāvyāpāryamāṇakartṛsādhanadānārthajuhotidhātuprayogasya vidhiliṅo viṣaye vyāpāraṇārthe vṛttyabhāvāt asya ca juhuyācchabdasya vidhiliṅviṣayasya niyogārthasya niyogarahite juhotiśabdārthe tatrāvṛtterayaṃ vidhānārtho na vidita eva, tasmādajñātatvāt prāptivākyavṛttajuhotyarthānuvādāyogyatā, prāptamanūdyate'prāptaṃ vidhīyate iti vacanāt . tasmādanuvādāyogyatvādayuktamuktam--prāptivākyavṛttajuhotyanuvāda iti . - [Previous: 2.66](https://indike.org/pramana/in.jaina.post.dvadasaranayacakra!simhasuri.2.66) - [Next: 2.68](https://indike.org/pramana/in.jaina.post.dvadasaranayacakra!simhasuri.2.68) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.173) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.67](https://indike.org/pramana/in.jaina.post.dvadasaranayacakra!simhasuri.2.67) · Pramāṇa