[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.71 # Dvadasharanayacakra 2.71 Nyāyāgamānusāriṇī 2.71 - **Language:** Sanskrit ### [2.71](https://indike.org/pramana/in.jaina.post.dvadasaranayacakra!simhasuri.2.71) yadi bhavato ghṛtena juhuyādityasyānuvādatvamiṣṭaṃ tato'hameva te buddhisaṃvibhāgaṃ karomi, śrūyatām— laukikajuhotyarthānuṣṭhānapravṛttopadeśaviṣaya eva tvayaṃ paramanuvādaḥ syāt, laukiko hi dānādanārtho juhotiḥ, tadarthānuṣṭhānapravṛttopadeśo yadyasya viṣayaḥ syād dadyāt, adyāt iti tadarthaprasiddhestadviṣayo'nuvādo yujyate vidhirvā . yasmai kasmaicidyadi kiñciddadyāt ghṛtaṃ dadyāt tena juhuyāt, yadi bhuñjīta ghṛtena juhuyādityetasminnarthe'nuvādo ghaṭate . sa cānupapannaniyamārtha upadeśaḥ, samīkṛtya vyākhyāto'rtho'sya śabdasya te mayā tathāpi tu punastvadiṣṭaviruddhārthametadāpadyate, loke'nupapannaniyamopadeśārthatvadarśanād vicitrayordānabhojanayoḥ svaparaprītihetutvād yathopapatti ghṛtena payasā dadhnā guḍena ca bhuñjīta tānyeva ca bubhukṣave dadyāditi . na tu yathā akṣivaidyake triphalāṃ ghṛtenaiva bhakṣayet, na guḍena, guḍasya cākṣuguḍasyācakṣuṣyatvāt . yathoktam-- - [Previous: 2.70.4](https://indike.org/pramana/in.jaina.post.dvadasaranayacakra!simhasuri.2.70.4) - [Next: 2.72](https://indike.org/pramana/in.jaina.post.dvadasaranayacakra!simhasuri.2.72) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.177) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.71](https://indike.org/pramana/in.jaina.post.dvadasaranayacakra!simhasuri.2.71) · Pramāṇa