[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.73 # Dvadasharanayacakra 2.73 Nyāyāgamānusāriṇī 2.73 - **Language:** Sanskrit ### [2.73](https://indike.org/pramana/in.jaina.post.dvadasaranayacakra!simhasuri.2.73) kiñcānyat, idaṃ cāgnihotraṃ juhuyāt kāṭhakasaṃ॰ 6 . 7 yadagnaye ca prajāpataye ca sāyaṃ juhoti mai॰ saṃ॰ 1 . 8 . 7 ghṛtena juhuyāt kāṭhakasaṃ॰ 6 . 3 . 5 śūrpeṇa juhoti tena hyannaṃ kriyate tai॰ brā॰ 1 . 6 . 5 ityevamādividhyanuvādārthavādavākyagato juhotiḥ śrūyamāṇa upasthānādītikartavyatānatiriktasevanakriyānāmadheyamātrārthatvavat prāptivihitetikartavyatānatiriktahavanakriyānāmamātrārthaḥ, viprakīrṇāvayavakalāpā- kārā kriyaivāsyārtho'siddharūpaḥ, na siddharūpo yathā yūpaghaṭādi . tanmātratvāt tu tasyāḥ kriyāyāḥ prakaraṇānubandhanāt prakaraṇena anubandhayan vaktā brūte śrotā ca pratipadyate--kriyāmātramavaśyamanena śabdena kartavyamityetāvaccodyata iti . tasmāt kriyāmātratvāt prakaraṇānubandhanād hitvā tyaktvā juhotiprayogabāhulyaṃ sarvajuhotiprayogān, kriyāmātre pratipādye nāntarīyakatvāt kṛñprakṛtiliṅkartṛtā pradarśayitavyeti tatpratipādanārtham, abhimatavākyārthatāsya syādevaṃ kalpyamāne . tannidarśayati --yadagnaye ca prajāpataye ca sāyaṃ juhoti tad ghṛtādinā svargakāmaḥ kuryāditi, etāvatā tadarthasya sugamatvājjuhotiprayogabāhulyamapratyayaraṭitameva punaranyatrānyatra juhuyāt, juhoti ityādi . - [Previous: 2.72](https://indike.org/pramana/in.jaina.post.dvadasaranayacakra!simhasuri.2.72) - [Next: 2.74](https://indike.org/pramana/in.jaina.post.dvadasaranayacakra!simhasuri.2.74) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.2.11) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.73](https://indike.org/pramana/in.jaina.post.dvadasaranayacakra!simhasuri.2.73) · Pramāṇa