[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.75 # Dvadasharanayacakra 2.75 Nyāyāgamānusāriṇī 2.75 - **Language:** Sanskrit ### [2.75](https://indike.org/pramana/in.jaina.post.dvadasaranayacakra!simhasuri.2.75) yadapi ca prasahyetyādi . prasahya balātkāreṇa paraṃ kañcit puruṣamagaṇayatā ekavīraṃmanyenākramya paribhūyāsmanmataṃ yadapi ca agnihotraṃ juhuyāt ityatra kāraṇeṣu ghṛtādiṣvitikartavyatātmasu svargādiphalasya khapuṣpavadasattvamucyate evaṃvidheṣviti sarvetikartavyatānāmādimadhyāvasāneṣu, tat punarasattvamekāntena kathañcit kāryādisattvamapi ityetatpakṣanirapekṣaṃ sarvathā nāstyeva iti tvayeṣṭaṃ tadapi cānyāyyameva . yato yadetadasattvaṃ nāma tvayā kvacinmanyate, nāmeti mithyākalpitanāmamātrameva tad yat tvayā kvacit sattvanirapekṣamasaditi cintyate . kathaṃ punaranyāyyaṃ tadasattvamiti cet, ucyate, nyāyena bādhyatvāt . katamo nyāya iti cet, evaṃ tarhi brūmaḥ --tato'nyat kāryam, asato'nyadityarthaḥ . kutaḥ ? tadasamarthavikalpatvāt, asaṅgatārtho'samartho'sambaddho vikalpaḥ, tenāsatā sahāsambaddho vikalpo'syeti tadasamarthavikalpaṃ kāryam, tasya kāryasyāsamarthavikalpatvāt tato'nyatvam . kimiva ? ghaṭapaṭavat, yathā ghaṭavikalpāḥ pṛthubudhnordhvagrīvādayo mṛducaturasrādibhiḥ paṭavikalpairasaṅgatāḥ paṭavikalpāśca tairityanyau ghaṭapaṭau parasparata evamasadvikalpairasaṅgataṃ kāryaṃ tasmāt tato'nyaditi . - [Previous: 2.74](https://indike.org/pramana/in.jaina.post.dvadasaranayacakra!simhasuri.2.74) - [Next: 2.76](https://indike.org/pramana/in.jaina.post.dvadasaranayacakra!simhasuri.2.76) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.2.13) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.75](https://indike.org/pramana/in.jaina.post.dvadasaranayacakra!simhasuri.2.75) · Pramāṇa