[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.76 # Dvadasharanayacakra 2.76 Nyāyāgamānusāriṇī 2.76 - **Language:** Sanskrit ### [2.76](https://indike.org/pramana/in.jaina.post.dvadasaranayacakra!simhasuri.2.76) syānmatam--asadvikalpāsaṅgatatvaṃ kāryasyāsiddham, tanna, siddhameva, yasmād vikalpāsāmarthyaṃ cāsatkāryayorasataḥ kāryasya ca siddhameveti gṛhāṇa, vikalpacatuṣṭaye dvayoreva sambhavāt . asat khapuṣpam, kāryamaṅkurādi, tayorvikalpāścatvāraḥ--1 khapuṣpamasat kāryamapyasat, 2 khapuṣpaṃ sat kāryamasat, 3 khapuṣpamasat kāryaṃ sat, 4 khapuṣpaṃ sat kāryamapi sat, ityeṣu caturṣu vikalpeṣu kāryakhapuṣpayorubhayorasattvaṃ kāryāsattvameva vetyetadvikalpadvayaṃ syāt sambhavet . kiṃ kāraṇam ? ubhayasattvakāryasattvayoḥ pratipakṣābhyupagama eva, satkāryavādaḥ pratipakṣo'satkāryavādasya, itiśabdo hetvarthe, ityasmāddhetorvādābhāvaḥ, tasmād vādābhāvādubhayābhāvakāryābhāvavikalpāveva sambhavetām, netarau . - [Previous: 2.75](https://indike.org/pramana/in.jaina.post.dvadasaranayacakra!simhasuri.2.75) - [Next: 2.77](https://indike.org/pramana/in.jaina.post.dvadasaranayacakra!simhasuri.2.77) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.2.13) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.76](https://indike.org/pramana/in.jaina.post.dvadasaranayacakra!simhasuri.2.76) · Pramāṇa