[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.86 # Dvadasharanayacakra 2.86 Nyāyāgamānusāriṇī 2.86 - **Language:** Sanskrit ### [2.86](https://indike.org/pramana/in.jaina.post.dvadasaranayacakra!simhasuri.2.86) atrocyate --evamapyekatvād viśeṣābhāva iti, tvayaiva kāryakhapuṣpayorasattvāviśeṣo'bhyupagata ekarūpatvādavastuna iti tadavastha evāviśeṣadoṣaḥ . tasyaivedānīmaviśeṣadoṣasyāpādanārthaṃ vikalpyate'nyadaniṣṭāpādanam --yathaiva hītyādi . yathaiva khapuṣpasyopādānaṃ pūrvadṛṣṭaśrutānubhūtaṃ buddhau siddhaṃ vākārādiviśiṣṭatvaṃ nāstītyanupādānamabuddhisiddhaṃ ca khapuṣpam, tataḥ kim ? anupādānābuddhisiddhatvābhyāṃ tad niḥsāmānyaṃ nirviśeṣaṃ ceti siddhamevaṃ ghaṭādeḥ kāryasya mṛdādyupādānaṃ buddhisiddhatvaṃ sāmānyaviśeṣavattvaṃ ca na syāt, tacca mṛda eva yenākāreṇa bhavanaṃ deśakālanavapurāṇakṛṣṇaraktatvādighaṭabhede'pi tulyatayā sāmānyaṃ viśeṣaśca paṭādibhyaḥ . tacca khapuṣpasyopādānabuddhisiddhatvasāmānyaviśeṣavattvaṃ ca syāt, ubhayornirupākhyatvāt . na tvetadiṣṭam . tasmādastyanayorviśeṣa iti sat kāryam . - [Previous: 2.85](https://indike.org/pramana/in.jaina.post.dvadasaranayacakra!simhasuri.2.85) - [Next: 2.87](https://indike.org/pramana/in.jaina.post.dvadasaranayacakra!simhasuri.2.87) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.188) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.86](https://indike.org/pramana/in.jaina.post.dvadasaranayacakra!simhasuri.2.86) · Pramāṇa