[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.91 # Dvadasharanayacakra 2.91 Nyāyāgamānusāriṇī 2.91 - **Language:** Sanskrit ### [2.91](https://indike.org/pramana/in.jaina.post.dvadasaranayacakra!simhasuri.2.91) tathānuvṛttivyāvṛttī, anuvṛttiḥ mṛd mṛd iti piṇḍaśivakādiṣu, vyāvṛttiḥ ghaṭaḥ piṭharaḥ divicāreṇa pūrvavaccakrakadvayapravartanaṃ tathopasaṃhārameva . na, asiddhatvāt . yadi hi ghaṭo mṛtpiṇḍādanyaḥ, tadvadeva piṇḍāderapyasarvatvaṃ iti . tad yadi tāvadubhayasattvaṃ sattvāviśeṣādevāviśeṣe kāryavyāvṛttivat kāraṇavyāvṛttirapi syāt sattvād ghaṭavat . atha na kāryavyāvṛttivat kāraṇavyāvṛttiḥ sacca kāryamiti niścitam, tadvailakṣaṇyānna tarhi sat kāraṇam, asat, sadvilakṣaṇatvādudumbarapuṣpavat, itaro nirvṛttaghaṭavat . nanu ghaṭasattvaṃ paṭasattvavilakṣaṇam, na, asato vailakṣaṇyāt . athaivamapi vailakṣaṇye kāraṇasattvaviniścayo na nivartate'nuvṛttyātmakaṃ ca tat, na tarhi vyāvṛttyātmakatvāt kāryaṃ sat, sattve na vyāvarteta sattvāt kāraṇavat; dvitīyaṃ cakrakamaviparyayeṇa . śeṣaṃ pūrvavad viparyayeṇetyādi, atha na kāraṇānuvṛttivat kāryānuvṛttiḥ sacca kāraṇamiti niścitam, tadvailakṣaṇyānna tarhi sat kāryam, asat, sadvilakṣaṇatvādudumbarapuṣpavat, itaro ghaṭavat . nanu ghaṭasattvaṃ paṭasattvavilakṣaṇam, na, asato vailakṣaṇyāt; prathamaṃ viparyayacakrakam . athaivamapi vailakṣaṇye tatsattvaviniścayo na vinivartate'nuvṛttyātmakaṃ ca tat, na tarhi vyāvṛttyātmakatvāt kāryaṃ sat, sattve na vyāvarteta sattvāt kāraṇavat; etad dvitīyaṃ cakrakaṃ viparyayeṇa . ato'nuvṛttisataḥ kāraṇādanyat kāryam, vyāvṛttatvāt, paṅkterivaikaḥ . vyāvṛttisataśca kāryādanyat kāraṇam, anuvṛttatvāt, ekasmādiva paṅktiḥ . - [Previous: 2.90](https://indike.org/pramana/in.jaina.post.dvadasaranayacakra!simhasuri.2.90) - [Next: 2.92](https://indike.org/pramana/in.jaina.post.dvadasaranayacakra!simhasuri.2.92) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.192) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.91](https://indike.org/pramana/in.jaina.post.dvadasaranayacakra!simhasuri.2.91) · Pramāṇa