[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.92 # Dvadasharanayacakra 2.92 Nyāyāgamānusāriṇī 2.92 - **Language:** Sanskrit ### [2.92](https://indike.org/pramana/in.jaina.post.dvadasaranayacakra!simhasuri.2.92) ādigrahaṇādasadanukrāntāvirbhāvānāvirbhāvacakrakadvayamapi yojyam . yadi tāvadubhayasattvaṃ tataḥ sattvāviśeṣādevāviśeṣe prāk kāryānāvirbhāvavat kāraṇānāvirbhāvo'pi syāt . atha na prāk kāryānāvirbhāvavat kāraṇānāvirbhāvaḥ sacca kāryamiti niścitam, tadvailakṣaṇyānna tarhi sat kāraṇam, asat, sadvilakṣaṇatvād ghaṭavat, itara udumbarapuṣpavat . nanu ghaṭasattvaṃ paṭasattvavilakṣaṇam, na, asato vailakṣaṇyāt . athaivamapi vailakṣaṇye kāraṇasattvaviniścayo na vinivartate nityāvirbhāvātmakaṃ ca tat, na tarhi satatānāvirbhāvātmakatvāt kāryaṃ sat, sattve prāgapyāvirbhavet sattvāt kāraṇavat; prathamam . śeṣaṃ pūrvavadeva viparyayeṇa--atha na kāraṇasatatāvirbhāvavat kāryasatatāvirbhāvaḥ sacca kāraṇamiti niścitam, tadvailakṣaṇyānna tarhi sat kāryam, asat, sadvilakṣaṇatvādudumbarapuṣpavat, itaro ghaṭavat . nanu ghaṭasattvaṃ paṭasattvavilakṣaṇam, na, asato vailakṣaṇyāt; dvitīyaṃ cakrakam . ityevamāvirbhāvānāvirbhāvavicāreṇa dve cakrake mate iti . - [Previous: 2.91](https://indike.org/pramana/in.jaina.post.dvadasaranayacakra!simhasuri.2.91) - [Next: 2.93](https://indike.org/pramana/in.jaina.post.dvadasaranayacakra!simhasuri.2.93) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.192) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.92](https://indike.org/pramana/in.jaina.post.dvadasaranayacakra!simhasuri.2.92) · Pramāṇa