[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 2.94 # Dvadasharanayacakra 2.94 Nyāyāgamānusāriṇī 2.94 - **Language:** Sanskrit ### [2.94](https://indike.org/pramana/in.jaina.post.dvadasaranayacakra!simhasuri.2.94) kiñcānyat, svoktavirodhādi ca, svavacanābhyupagamalokavyavahārapratyakṣānumānavirodhā ādigrahaṇāt . pramāṇagrahaṇāt pratyakṣānumānagrahaṇam . viśeṣasvarūpavirodhau ca kaṇṭhoktau vakṣyati . tatra svavacanavirodhastāvad yadi kāryaṃ ghaṭavat kriyate tat kathamasat khapuṣpavat kāryaṃ ca ? svena vacanena svameva vacanaṃ virudhyate . athāsat khapuṣpavat kathaṃ kāryaṃ ghaṭavat ? iti saiva svavacanavirodhabhāvanā viparyayeṇa tayoreva śabdayorvirodhadarśanārthā . yasmād mṛdeva hi ghaṭaḥ kriyate . hiśabdo yasmādarthe, yasmāt sarpasphaṭāṭopakuṇḍalībhavanavad mṛda eva ghaṭībhavanaṃ tathā prakāśanaṃ vyaktirvimalatā kriyate . karaṇaṃ yathā pṛṣṭhaṃ kuru pādau kuru iti . taddarśayannāha --ghaṭaḥ kriyate ghaṭatayā vyajyate vidyamāna eva vyaktībhavati . ko dṛṣṭāntaḥ ? sa eva ghaṭo dīpeneva kriyayā vyajyate daṇḍādivyāpāraṇātmikayā . tathā ca viśeṣaṇaviśeṣyāprasiddhirapi, kāryamasat iti vyāghātāt proktasvavacanavirodhabhāvanāta eva khapuṣpanirvṛttaghaṭayoriva na kāryamasatā viśeṣyaṃ nāpyasat kāryeṇeti na parasparato viśeṣaṇaṃ viśeṣyaṃ veti viśeṣaṇaviśeṣyāprasiddhirasmādeva kāraṇāt . - [Previous: 2.93](https://indike.org/pramana/in.jaina.post.dvadasaranayacakra!simhasuri.2.93) - [Next: 2.95](https://indike.org/pramana/in.jaina.post.dvadasaranayacakra!simhasuri.2.95) - [Up: 2](https://indike.org/pramana/in.jaina.post.dvadasaranayacakra!simhasuri.2) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.193) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.2.94](https://indike.org/pramana/in.jaina.post.dvadasaranayacakra!simhasuri.2.94) · Pramāṇa