[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 3.104 # Dvadasharanayacakra 3.104 Nyāyāgamānusāriṇī 3.104 - **Language:** Sanskrit ### [3.104](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.104) anāpannatadrūpetyādi yāvaducyata iti cediti . śabdādirūpamanāpannasya sattvasyāsandrutasya guṇāntarāsaṅgatasya tadanātmakasya svenaiva rūpeṇa sthitasya prāgārambhādārabhamāṇasya ca yaḥ śabdādibhāvāpattikālo yāvadaniṣpannaśabdāditvakāla ityarthaḥ, sā hyavasthā sattvaṃ śabdakāryaṃ prakhyāya śabdātmanā vyava iti cet, na, pūrvatulyatvāt nāntareṇa pravṛttyādyekatvagatiṃ vyavasthāpatteḥ . ato yathāhetvaikāntikatvatprayuktalakṣaṇavailakṣaṇyaviśeṣaṇapakṣaviracanayā ta evānyatvahetavo viparyasanīyāḥ--sukhaṃ mohād gurorananyat, laghutvāt, lohapiṇḍavadarkatūlavat śabdabhāvavyavatiṣṭhamānasukhādivadvā . tathā duḥkhāt pravṛttiśīlādananyat, pravṛttiśīlatvātapravṛttiśīlatvāt, vāyuvadākāśavadityādi . muktvāpi vā lakṣaṇabhedavaila- tiṣṭhamānam iti vyavasthānaśabdenocyate, anyathā vyavasthitameva śabdādibhāvena syāt sattvamiti . etacca na, pūrvatulyatvāt, yathā prāguktaṃ laghvādilakṣaṇasattvādyaikyāpattirdravyam, tacca kadācit sattvādipṛthagavasthānābhāvāt tatsandrutilakṣaṇamevoktam, tathehāpi na sa kaścit kālo'sti yaḥ pravṛttiniyamavirahitaprakāśamātrāvasthānopalakṣito yadi pradhānāvasthāyāṃ yadi vyaktāvasthāyāmiti, ata āha --nāntareṇa pravṛttyādyekatvagatiṃ vyavasthāpatteriti . ādigrahaṇānniyamo gṛhyate, pravṛttiniyamāvantareṇa na vyavasthāpattirasti, ato hetornāntareṇa pravṛttyādyekatvagatiṃ vyavasthāpatteḥ pūrveṇa tulyatvam, iti nāsti sattvādipṛthaktvaṃ tavāpīti . - [Previous: 3.103](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.103) - [Next: 3.105](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.105) - [Up: 3](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.350) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.104](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.104) · Pramāṇa