[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 3.105 # Dvadasharanayacakra 3.105 Nyāyāgamānusāriṇī 3.105 - **Language:** Sanskrit ### [3.105](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.105) ato yathāhetvaikāntiketyādi yāvad viparyasanīyāḥ . etasmādeva sattvādyekatvād yo yo heturyathāhetu sukhaṃ mohād guroranyad laghutvāt ityādi tvatprayuktaḥ sa sa heturviśeṣeṇāsmatpakṣaṃ sādhayannaikāntiko bhavati . taṃ prati yathaikāntiko bhavati tathocyate --sukhaṃ mohād gurorananyallaghutvāt, yad yallaghu tat tad gurorananyat, lohapiṇḍavadarkatūlavat, yathā prāgvarṇitamāpekṣikamarkatūlagurutvaṃ lohapiṇḍalaghutvaṃ ceti tad dvayaṃ sahitaṃ dṛṣṭāntaḥ . śabdabhāvavyavatiṣṭhamānasukhādivadveti laukikārthātikrame'pi tvanmatenaiva dṛṣṭāntāntaramiti . tathā duḥkhāt pravṛttiśīlādananyat, sukhamiti vartate . kutaḥ ? apravṛttiśīlatvād vāyuvadākāśavaditi pṛthaktvābhāvād darśayati, yathā vāyurākāśaṃ vā sukhātmakaṃ duḥkhāt pravṛttiśīlādananyat tathehāpītyādigrahaṇād duḥkhaṃ sukhādananyadapravṛttiśīlāt, pravṛttiśīlatvāt, yadyat pravṛttiśīlaṃ tat tadapravṛttiśīlādananyad vāyvākāśavat . tathā sukhaṃ duḥkhamohābhyāmaprakāśakābhyāmananyat, prakāśakatvāt, ghaṭapradīpādisukhavat . tathā duḥkhaṃ mohādananyadacalāt, calatvāt, ghaṭaparvatādiduḥkhavat; tathā sukhāt prakāśakādananyat, aprakāśakatvāt, pradīpaghaṭādiduḥkhavat . tathā mohaḥ sukhaduḥkhābhyāmagurubhyāmananyaḥ, gurutvāt, pṛthivyagnyādigurutvavat . evaṃ ca sukhatvād duḥkhatvād mohatvāt prasādādikāryatvādityādayo'pyananyatvahetava eva . pratyekamitaraguṇasvarūpānanyatvaṃ pratijñāya tattadrūpavinivṛttihetuto yat kiñcid vastūdāhṛtya sādhyam, sarvasya loṣṭāderlaghuprakāśetarādiparasparāpṛthagbhūtaguṇātmakatvāt . tadyathā--śarīrendriyagata ātmaikadeśastadekadeśabhūtābhyāṃ rajastamobhyāmananyaḥ sukhatvā kṣaṇyaviśeṣaṇapakṣaviracanāṃ bhedalakṣaṇābhimatebhya eva hetubhyo'bhedasiddhiḥ śakyā āpādayituṃ sphuṭenaiva nyāyādhvanā--sukhaṃ mohādananyat, apuruṣatve'calatvāt, mohasvātmavat . duḥkhādananyat, aniyamaśīlatvāt, duḥkhasvātmavat . duḥkhaṃ sukhāt... ...duḥkhasvātmavat . nanvevaṃ viruddhāvyabhicārivadubhayāniścayaḥ, na, uktatvāt, bhāvitatvācca sadā lloṣṭavat, sattvarajobhyāmananyo mohatvālloṣṭavat . tathā śarīrendriyagata ātmaikadeśastadekadeśabhūtābhyāṃ rajastamobhyāmananyaḥ prasādakāryatvālloṣṭavat, evaṃ lāghavaprasavādibhyaḥ . tathā sattvatamobhyāmananyaḥ śoṣatvālloṣṭavat . evaṃ tāpādibhyaḥ . tathā sattvarajobhyāmananyo varaṇatvāt, evaṃ sadanādibhya iti . evaṃ tāvad yathāhetvaikāntikatvaṃ prati ta evānyatvahetavaḥ ananyatvahetavaḥ ityuktāstvatprayuktalakṣaṇavailakṣaṇyaviśeṣaṇapakṣa- viracanayā laghvādaya eva . - [Previous: 3.104](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.104) - [Next: 3.106](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.106) - [Up: 3](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.351) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.105](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.105) · Pramāṇa