[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 3.113 # Dvadasharanayacakra 3.113 Nyāyāgamānusāriṇī 3.113 - **Language:** Sanskrit ### [3.113](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.113) atha mā bhūdeṣa doṣa ityanātmaviśeṣaṇatvāt tvadvat . etaddoṣaparihārārthaṃ yathā tvayā anātmatve sati avaraṇādyātmakatvāt sukhaṃ duḥkhādananyad mohavat ityādyabhihitaṃ tathāhamapi anātmatve sati laghutvāt sukhaṃ duḥkhādanyad mohavat ityābravīmīti, ato dharmadharmisvarūpavirodhau prakṛtipuruṣadoṣaśca neti . atrocyate --tathā sati yathā kim ? iti . evaṃ sati yathā kiṃ sukhādanyat ātmānaṃ muktveti . dṛṣṭāntaḥ idaṃ tat iti nidarśayituṃ na śakyate idaṃ tat sukhāt puruṣāccānyad vastviti samanvayasyābhāvaḥ, yadanātmatve sati laghutvādidharma tat sukhāt puruṣāccānyaditi vastvantarābhāvāt . taddarśayannāha --na hi sukhādanyadasti kiñciduktavadapuruṣam ? puruṣavyatiriktaṃ hi sarvaṃ parasparāviviktasukhādisvatattvamevetyuktam . tasmādanyat sukhameva sarvamiti samanvayābhāvaḥ . ata eva cānyatvena pakṣīkṛte sukhādau puruṣavyatiriktasapakṣābhāvāt sukhāderapi sukhādanyasya vipakṣatvād vipakṣāddhetorvyāvṛttyarthaṃ yaducyate yacca sukhādananyat tadanātmatve na prasādādyanātmakaṃ na laghvādyanātmakaṃ ceti nidarśayituṃ na śakyate, na ca mohādi sukhādanyanna bhavatītyaśakyaṃ darśayitumiti vipakṣāvyāvṛttirapi . ato vipakṣa eva sattvād viruddhāśca te hetava ityabhiprāyaḥ . - [Previous: 3.112](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.112) - [Next: 3.114](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.114) - [Up: 3](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.355) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.113](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.113) · Pramāṇa