[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 3.117 # Dvadasharanayacakra 3.117 Nyāyāgamānusāriṇī 3.117 - **Language:** Sanskrit ### [3.117](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.117) itara āha --nanvevaṃ svavacanavirodhādīti, sukhaṃ duḥkhādananyat iti pratyakṣaṃ sukhaduḥkhayoḥ pratipuruṣaṃ svānubhavena pṛthaktvasiddheḥ śarīravikārādibhiranumeyatvācca lokaprasiddherabhyupagatatvācca tvayāpi svavacanena ca sukhaṃ duḥkham iti pṛthaguccāraṇāt svavacanābhyupagamalokaprasiddhipratyakṣānumānavirodhadoṣā ananyatvapratijñāyā iti . etaccāyuktam, tavātmana evopālambhāt, yasmādeva punaḥ svasiddhānta eva svavacanādivirodha unnīyate tvayā ātmana eva, na mama, māmuddiśyātmano'pariparihāreṇa vacanavakratayocyate . kuta iti cet, ucyate --pradhānetyādi yāvadabhyupagamāt . pradhānamekaṃ sukhaduḥkhamohātmakatvādabhinnaguṇātmakaṃ sāmyena cāvasthitamiti kasyāyaṃ svavacanavirodhaḥ ? tathā parasparamupakurvanti sattvādayaḥ śabdādibhāvena ca vyavatiṣṭhante pratyekaṃ sukhādyātmaneti sukhāditryātmakatvaṃ na ghaṭādāvekasminneva ceti tvayaivābhyupagatatvādaikyaṃ nānyatvokteśceti kasya svavacanādivirodhadoṣāḥ ? iti svasthena cetasā cintyatām, mama tu tvaddoṣodbhāvanaparaprayāsatvādadoṣaḥ, evamasmaddoṣotkīrtanadvāreṇa svadoṣotkīrtanamevaitad bhavata iti . - [Previous: 3.116](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.116) - [Next: 3.118](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.118) - [Up: 3](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.359) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.117](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.117) · Pramāṇa