[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 3.125 # Dvadasharanayacakra 3.125 Nyāyāgamānusāriṇī 3.125 - **Language:** Sanskrit ### [3.125](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.125) itaśca asti pradhānam, vaiśvarūpyasyāvibhāgaprāpterdeśakālapramāṇabalarūpapratyāsatteravaśyambhāvyucchedānucchedābhyāṃ ca nivṛtteḥ . jalabhūmyoḥ pāriṇāmikaṃ rasādivaiśvarūpyaṃ sthāvareṣu dṛṣṭam, tathā sthāvarāṇāṃ jaṅgameṣu, jaṅgamānāṃ sthāvareṣu, sthāvarāṇāṃ sthāvareṣu, jaṅgamānāṃ jaṅgameṣu . jātyanucchedena sarvaṃ sarvātmakam, deśakālākāranimittāvabandhāt tu na samānakālamātmābhivyaktiḥ, te manyāmahe jalabhūmyorapyetat pāriṇāmikaṃ rasādivaiśvarūpyam, anyeṣāṃ ca bhūtānāmanyapariṇāma iti, evaṃ tadapyanyasyetyavaśyaṃbhāvī avibhāgaḥ . yatra cāvibhāgastat pradhānam, vaiśvarūpyasyāvibhāgakāraṇapūrvakatvāt, mayūrabarhavaicitryasyeva tadaṇḍakarasapūrvakatvam . tasmādasti pradhānamiti ebhiḥ pañcabhirvītaiḥ samanvayaparimāṇopakāraśaktipravṛttivaiśvarūpyagatyākhyaiḥ sāmānyasaṃsargaikakartṛśaktimacchaktyavibhāgasaṃjñaṃ pradhānaṃ siddham . ata evaikatvamarthavattvam, parārthatvaṃ saṃhatya kāriṇāṃ pārārthyācchayanādivat . ataḥ puruṣāstitvamanyatvaṃ tadbahutvaṃ ca puruṣāṇām . pradhānasya ādyantapuruṣārthopalabdhyanantaraṃ nivṛttiḥ vrīhyudakagatyā raṅganartakīvadveti pradhānapuruṣasaṃyogavibhāgāvittham . iyatparijñānaphalaṃ ca śāstram . - [Previous: 3.124](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.124) - [Next: 3.126](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.126) - [Up: 3](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.360) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.125](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.125) · Pramāṇa