[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 3.127 # Dvadasharanayacakra 3.127 Nyāyāgamānusāriṇī 3.127 - **Language:** Sanskrit ### [3.127](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.127) kiñcānyat, yadi vyaktasyāsata utpattirbhavati arthārthibhistṛṇapāṃśuvālukāḥ muktāmaṇirajatasuvarṇāni kriyeran, kasmāt ? abhāvakriyā gurukāryā bhāvakriyā laghvīti . na tvevaṃ kriyate, tasmādayuktamityādi yāvaduktottaratvādasamyagvidhiḥ . kiñcānyat, yadi vyaktasyāsata utpattiryonyabhāvādekatvaprasaṅgaḥ, pradhānābhāvāt sāmānyamātramidaṃ vyaktaṃ nirviśeṣamityetat prasajyeta . kasmāt ? sāmānyapūrvakatvād viśeṣāṇām, sāmānyapūrvakā hi loke viśeṣā dṛṣṭāḥ, tadyathā--kṣīrapūrvakā dadhimastudrapsanavanītaghṛtāriṣṭakilāṭakūrcikābhāvāḥ . na tvasati bhāvaḥ kaścidasti yatpūrvakā vyaktaviśeṣāḥ syuḥ . tasmāt sāmānyamātramidaṃ vyaktaṃ nirviśeṣamityetat, na tvidaṃ tādṛk . tasmād nedaṃ vyaktamasata utpadyate . na cedaṃ sata utpadyate . pāriśeṣyāt pradhānādevedaṃ vyaktamutpadyata ityetad yuktam . tasmādasti pradhānamiti . eṣo'nvayavītasyāvītaḥ . - [Previous: 3.126](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.126) - [Next: 3.128](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.128) - [Up: 3](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.360) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.127](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.127) · Pramāṇa