[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.129 # Dvadasharanayacakra 3.129 Nyāyāgamānusāriṇī 3.129 - **Language:** Sanskrit ### [3.129](https://indike.org/pramana/in.jaina.post.dvadasaranayacakra!simhasuri.3.129) kiñcānyat, ekajātisamanvayābhāvaprasaṅgāditi tadeva . sthālīghaṭetyādi dṛṣṭāntaviśeṣaḥ sāmānyaviśeṣotthāpanārthamucyate . atra paro brūyāt--viśeṣamātrasya darśanādasata utpattiḥ, tadyathā --ākāro gauravamityādidharmabhedāditi . tatrottaram --tādrūpyeṇopakārādadoṣa iti dharmabhedapariṇatyā lokavṛttāntanayanādityupakārabhedapradarśanāt kāryakāraṇabhāvavītasyāvītatvaleśaṃ ca spṛśatīti tasmādeva granthādavagantavyaṃ yāvat purastād vyākhyātam, yathā --tairyagyonamānuṣadaivāni parasparārthaṃ na kurvīranniti . tatra yaduktaṃ bhūtānāṃ tatsamūhānāṃ ca vyāvṛtterviśeṣamātramidaṃ vyaktam, tasmādasata utpadyate iti, etadayuktamiti punarasatsamanvayāśaṅkāṃ nirasya prapañcena yāvat tasmād yuktametat--yonyabhāvād bhedaprasaṅga iti . eṣo'nvayavītasyāvītaḥ prasaṅgo vyākhyātaḥ . ācāryeṇāpi tathaiva vyavasthā-tulyajātisamanvayādītyuktaṃ tenaiva krameṇa ādigrahaṇāt trayaḥ śeṣā apyāvītāḥ sūcitāḥ . - [Previous: 3.128](https://indike.org/pramana/in.jaina.post.dvadasaranayacakra!simhasuri.3.128) - [Next: 3.130](https://indike.org/pramana/in.jaina.post.dvadasaranayacakra!simhasuri.3.130) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.360) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.129](https://indike.org/pramana/in.jaina.post.dvadasaranayacakra!simhasuri.3.129) · Pramāṇa