[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.136 # Dvadasharanayacakra 3.136 Nyāyāgamānusāriṇī 3.136 - **Language:** Sanskrit ### [3.136](https://indike.org/pramana/in.jaina.post.dvadasaranayacakra!simhasuri.3.136) athavā prastutapradhānakāraṇavādisiddhamevedaṃ nidarśanam --sattvatamaḥprakāśetyādi yāvad rajobhavanavadvā . yathāsaṅkhyaṃ sattvasya prakāśapravṛttistamaso niyamapravṛttiścāstyevetyuktaṃ sattvaṃ śabdātmanā pravartamānamityādiparasparopakāravīte, prakāśādilakṣaṇasya sattvasya pravṛttirguruvaraṇalakṣaṇasya tamasaśca pravṛttiryathāsaṅkhyam itarayoḥ khyāpayati vyavasthāpayati iti vacanāt . rajastu pravṛttilakṣaṇameva pravartakamiṣṭaṃ viśeṣataḥ, satyapi pravṛttisāmānye karoti pravartayati iti vacanāt . tathā adṛṣṭāṇvādibhūtakālādipravartamānasāmānye'pīśvara eva pravartayitṛtvāt kāraṇamiti . dṛṣṭāntabāhulyapradarśanaṃ pratisiddhāntaparidṛṣṭādṛṣṭādeḥ pravartayitṛtvakhyāpanārtham, siddhāntaṃ siddhāntaṃ prati pratisiddhāntaṃ teṣu teṣu vaiśeṣikādisiddhānteṣu kalpitānāṃ parito'numānairdṛṣṭānāmapyadṛṣṭāṇupradhānaviṣṇvādīnāṃ pravartayitā īśvara iti dārṣṭāntikopanayanāt . - [Previous: 3.135](https://indike.org/pramana/in.jaina.post.dvadasaranayacakra!simhasuri.3.135) - [Next: 3.137](https://indike.org/pramana/in.jaina.post.dvadasaranayacakra!simhasuri.3.137) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.365) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.136](https://indike.org/pramana/in.jaina.post.dvadasaranayacakra!simhasuri.3.136) · Pramāṇa