[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 3.139 # Dvadasharanayacakra 3.139 Nyāyāgamānusāriṇī 3.139 - **Language:** Sanskrit ### [3.139](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.139) prayogaśca --tanu-karaṇa-bhuvanasādhanāyetyādi yāvat takṣādhiṣṭhitarathadārugaṇavaditi . yathāprakriyaṃ śarīrāṇīndriyāṇi bhuvanaṃ ca sādhayitumadhitiṣṭhadbhiradṛṣṭaiḥ preritāḥ paramāṇavo vaiśeṣikāṇāṃ pravṛttāni sattvādīni pradhānena sāṅkhyānāmanyeṣāṃ vā bhūtāni kāla-svabhāva-niyatyādyadhiṣṭhitānītyabhimatāni pravartyāni sapravartakāni viśiṣṭacetanādhiṣṭhitānyeva pravartanta iti pratijñā . sambhūyaikārthakāritvāditi hetuḥ, sambhūyakāritvaṃ pūrvapūrvaśaktatāratamyakāraṇānumānokteḥ, paramāṇusattvādayaḥ sambhūya tanvāditvenāvasthitāḥ paraspareṇa sambhūya gamanābhyavaharaṇasukhaduḥkhānubhavarūpādyupalabdhisattvaguṇādhāratādi kāryaṃ kurvanto dṛśyante, tat siddhameṣāṃ sambhūyaikārthakāritvam . takṣādhiṣṭhitarathadārugaṇavat, rathārtho dārusaṅghāto rathadārugaṇaḥ, sa takṣṇā viśiṣṭacetanenādhiṣṭhitastathaitāni . tathā'cetanatvāt, tatheti tasyāmeva pratijñāyāṃ acetanatvāt ityupacayahetuḥ, sa eva rathadārugaṇo dṛṣṭāntaḥ, vakṣyamāṇo vā turyādivaditi . tanu-karaṇa-bhuvanānāmacetanatvaṃ ca siddham . athavā sthitvā pravṛttesturyādivat, yathā turivemaśalākānalikārajjvañcanikāsūtrādīni prāgapravṛttāni kañcit kālaṃ sthitvā pravartamānāni viśiṣṭakuvindabuddhyadhiṣṭhitāni paṭaniṣpattyai pravartante tanukaraṇabhuvanāni tatheti . - [Previous: 3.138](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.138) - [Next: 3.140](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.140) - [Up: 3](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.369) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.139](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.139) · Pramāṇa