[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.142 # Dvadasharanayacakra 3.142 Nyāyāgamānusāriṇī 3.142 - **Language:** Sanskrit ### [3.142](https://indike.org/pramana/in.jaina.post.dvadasaranayacakra!simhasuri.3.142) devadattādayastarhi cetaneśvarānadhiṣṭhitāḥ pravartante, sāmarthyādacetanadharmiviṣayaṃ cetanādhiṣṭhānaṃ sādhyata iti pratijñāviṣayavyavasthāyāṃ cetanānāṃ devadattādīnāṃ cetaneśvareṇādhiṣṭhānaṃ na prāpnoti, tato devadattādivaccetanānadhiṣṭhitānāṃ tanvādisādhanārthādṛṣṭāṇupradhānādīnāmanekāntaḥ . so'pi veśvarastadvaccetanāntarādhiṣṭhita iti prāptam . ucyate ca tvayā iṣyata eva tvayā cetanānāmapīśvarādhiṣṭhānam, yathā— ajño janturanīśo'yamātmanaḥ sukhaduḥkhayoḥ . īśvaraprerito gacchet svargaṃ vā śvabhrameva vā .. mahābhā॰ vanapa॰ 30 . 28 puruṣavādanirasanāyeti ślokavacanaprayojanamāha, mā bhūt puruṣakāraṇavādaprasaṅgaḥ tadavasthamātraṃtadavasthāmātraṃ tanvadṛṣṭapradhānāṇvādi iti, ata uktaṃ bhavatā ajño janturanīśo'yamiti . - [Previous: 3.141](https://indike.org/pramana/in.jaina.post.dvadasaranayacakra!simhasuri.3.141) - [Next: 3.143](https://indike.org/pramana/in.jaina.post.dvadasaranayacakra!simhasuri.3.143) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.370) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.142](https://indike.org/pramana/in.jaina.post.dvadasaranayacakra!simhasuri.3.142) · Pramāṇa