[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.147 # Dvadasharanayacakra 3.147 Nyāyāgamānusāriṇī 3.147 - **Language:** Sanskrit ### [3.147](https://indike.org/pramana/in.jaina.post.dvadasaranayacakra!simhasuri.3.147) nayasvarūpākhyānārthamāha --ayaṃ vidherubhayabhāk, ubhayaṃ vidhiṃ niyamaṃ ca bhajata ityubhayabhākū . vidhirvyākhyāto lokavaditi pūrvamiti smārayati . punaḥ saṅkṣepeṇa vyācaṣṭe --anapavādapravṛttiḥ, na kañcidarthamayamapaharati kiṃ na etena yadi sāmānyaṃ yadi viśeṣaḥ ? ityādi, tasya vidherutsargād vidhānāt sa vidhirvidhīyate, kasmāt ? sarvasarvātmakatvād nirapavādaḥ pravartata eva, pravartate, na kvacid vyāhanyate, ayaṃ hi nayaḥ sarvaṃ sarvātmakam itīcchati yat prāk sūcitaṃ sannidhyāpattivyākhyāne tadevātrāpi vakṣyate, niyamaḥ sannidhiprayojyasatorapravṛtteḥ, yāvetāvanantaroktau sannidhirbhavati āpattibhavanasahāya īśvarapravartyo vā prayojyaḥ pradhānādṛṣṭāṇvādirbhāvaḥ tayordvayorapyapravṛtterasattvam . kiṃ kāraṇam ? tayorasatsattvāt, tadubhayaṃ hyasadeva sadityucyate svatantrasya karturjñasyaiva bhavanāt tadvilakṣaṇasyābhavanāpannasyāpravṛttasyāsattvāt khapuṣpavat . tasmād niyamaśceti vidhirvidhīyate niyamyate ceti . tato'yaṃ vidherubhayabhāgiti . - [Previous: 3.146](https://indike.org/pramana/in.jaina.post.dvadasaranayacakra!simhasuri.3.146) - [Next: 3.148](https://indike.org/pramana/in.jaina.post.dvadasaranayacakra!simhasuri.3.148) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.374) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.147](https://indike.org/pramana/in.jaina.post.dvadasaranayacakra!simhasuri.3.147) · Pramāṇa