[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 3.36 # Dvadasharanayacakra 3.36 Nyāyāgamānusāriṇī 3.36 - **Language:** Sanskrit ### [3.36](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.36) yāni tairārabdhānītyādi yāvat sukhādimayā eva, pariṇāmānukrameṇa bhūtānāmākāśādīnāṃ śabdādibhiḥ sukhādimayairārambhaṃ darśayati . tatra śarīrādīnyādhyātmikānīti śarīrībhūtāni śabdādyārabdhāni bhūtādīni vaikārikārabdhāni cendriyāṇi trayāṇāṃ sukhaduḥkhamohānāṃ sanniveśaviśeṣāḥ sukhādimayā eva, tathā pṛthivyādayastanmayakāraṇārabdhatvāt . yad yanmayaiḥ kāraṇairārabdhaṃ tanmayaṃ tat, kārpāsikapaṭavat . bhūtairārabdhāni punaḥ śarīrādīni paṭakuṭivat paramparārabdhatvāt . anekātmakaikapūrvakaṃ śarīramanvitavikāratvāccandanaśakalavat, naikaikapūrvakaṃ nāpūrvakamanvitatvāt . anvāha ca-- ajāmekāṃ lohitaśuklakṛṣṇāṃ bahvīḥ prajāḥ sṛjamānāṃ sarūpāḥ . ajo hyeko juṣamāṇo'nuśete jahātyenāṃ bhuktabhogāmajo'nyaḥ .. śvetāśva॰ 4 . 5 bhūtādīni bhūtādimayāni triguṇāni vaikārikārabdhāni ca śrotrādīnyekādaśendriyāṇi sarvāṇyeva trayāṇāṃ sukhaduḥkhamohānāṃ sanniveśaviśeṣāḥ, tatastanmayatā . bāhyāni ghaṭādīni rūpādisamūhatvāt teṣāṃ ca sukhādyātmakatvāt tanmayāni tadātmakānyeva . tathā pṛthivyādayastanmayakāraṇārabdhatvāditi mahadādeḥ sakalasya vikārasya brahmādistambāntasya ca jagataḥ sukhādimayakāraṇārabdhatvāt . yad yanmayairityupanayaḥ, tanmayaṃ taditi nigamanam . dṛṣṭāntaḥ kārpāsikapaṭavaditi, kārpāsavikāraistantubhirārabdhaḥ paṭo'pi kārpāsika iti yathocyate tathā bhūtāni sukhādyārabdhaśabdādyārabdhāni sukhādyātmakāni . bhūtairārabdhāni punaḥ śarīrādīni, ghaṭādīni ādigrahaṇāt, paṭakuṭivat paramparārabdhatvāt, yathā kārpāsikatantvārabdhapaṭamayī kuṭirapi kārpāsikī ityucyate tathā sukhādyārabdhaśabdādyārabdhabhūtādyārabdhapṛthivyādigavādighaṭādisaritsamudramandarādīnyapi tadātmakāni . - [Previous: 3.35](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.35) - [Next: 3.37](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.37) - [Up: 3](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.307) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.36](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.36) · Pramāṇa