[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.37 # Dvadasharanayacakra 3.37 Nyāyāgamānusāriṇī 3.37 - **Language:** Sanskrit ### [3.37](https://indike.org/pramana/in.jaina.post.dvadasaranayacakra!simhasuri.3.37) anekātmakaikapūrvakaṃ śarīramiti pratijñā . kiṃ punaḥ kāraṇamevaṃ pratijñāyate ? proktapuruṣādyekakāraṇapūrvakatvanirākaraṇārthaṃ vakṣyamāṇeśvarādikāraṇapūrvakatvanirākaraṇārthaṃ ca . ko hetuḥ ? anvitavikāratvāt, anvitā vikārā yasya tadanvitavikāram, hastākuñcanaprasāraṇāṅgulyutkṣepaṇāpakṣepaṇapādaprakṣepāṅgavivartanādivikārāḥ śarīrāvayavāśca sukhādibhiḥ śabdādibhiścānvitā vikāraiḥ, tasmādanvitavikāratvāccandanaśakalavat, yathā mṛdusurabhiśītaharitaraktaśvetādibhedasparśarasarūpagandhādivikārāṇi candanaśakalāni sukhādyanvitāni paramāṇudvyaṇukādyanekātmakaikacandanatarupūrvakāṇi tathedaṃ śarīramapi sukhādyanekātmakaikakāraṇapūrvakamiti naikaikapūrvakam yathā puruṣa eva ityādi, nāpūrvakam na nirhetukaṃ nāsatpūrvakaṃ vaināśikādyabhimatavadityetasya sādhanasya vyāvartyārthoddeśārtham, anvitatvāditi sāmānyenāsyaivoktasya nigamanārtham, athavā ekaikapūrvakatvādinirākaraṇasādhanaṃ vā pṛthageva . - [Previous: 3.36](https://indike.org/pramana/in.jaina.post.dvadasaranayacakra!simhasuri.3.36) - [Next: 3.38](https://indike.org/pramana/in.jaina.post.dvadasaranayacakra!simhasuri.3.38) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.307) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.37](https://indike.org/pramana/in.jaina.post.dvadasaranayacakra!simhasuri.3.37) · Pramāṇa