[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.39 # Dvadasharanayacakra 3.39 Nyāyāgamānusāriṇī 3.39 - **Language:** Sanskrit ### [3.39](https://indike.org/pramana/in.jaina.post.dvadasaranayacakra!simhasuri.3.39) etadadhunā parīkṣyate --atha kathamityādi yāvad viyadabhyupagamyata iti . yadyanekātmakaikakāraṇatvamiṣyate evamekakāraṇatvapratiṣedhānantaraṃ puruṣādyekakāraṇatvapratiṣedhāhitasaṃskāratirodhānakālamapyapratīkṣya tvayā kathaṃ śabdaikaguṇapravṛtti viyadabhyupagamyate ? abhyupagamyatāṃ tāvad rūpādisṛṣṭau vyavahārānupātināmeṣāṃ loke dṛṣṭānāṃ dvitryādyanekasparśarasagandhaguṇānāmanekaikatvāt tadātmakavāyvādisṛṣṭirastu nāma, tvanmatena saha ghaṭamānamidaṃ tu na yujyate śabdenaikaguṇā pravṛttiritthambhūtenāsya tacchabdaikaguṇapravṛtti viyat gaṇa guṇa saṅkhyāne śabdaikasaṅkhyānapravṛtti ekasmāt kāraṇād bhavat tvanmatavirodhāt, nānekātmakaikasmācchabdasparśādidvitricatuḥpañcaguṇād bhavad vāyvādivat tvanmatāvirodhāt . prayogaścātra --na pravartetaivam, śabdaikaguṇākāśaṃ tanna bhavedityarthaḥ, asandruteḥ, guṇasandrāvo dravyam pā॰ ma॰ bhā॰ 5 . 1 . 119 iti lakṣaṇābhāvāt, bahūnāṃ hi guṇānāmekībhavanamaikyagamanaṃ sandrutiḥ, tadabhāvo'sandrutiḥ, tato'sandruterna pravarteta, puruṣavad vandhyāputravadvetyetadaniṣṭāpādanamiti . - [Previous: 3.38](https://indike.org/pramana/in.jaina.post.dvadasaranayacakra!simhasuri.3.38) - [Next: 3.40](https://indike.org/pramana/in.jaina.post.dvadasaranayacakra!simhasuri.3.40) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.3.10) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.39](https://indike.org/pramana/in.jaina.post.dvadasaranayacakra!simhasuri.3.39) · Pramāṇa