[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.48 # Dvadasharanayacakra 3.48 Nyāyāgamānusāriṇī 3.48 - **Language:** Sanskrit ### [3.48](https://indike.org/pramana/in.jaina.post.dvadasaranayacakra!simhasuri.3.48) pravartyapravartakatvāt pallavapavanavanneti cet . syānmatam--yaiva pravṛttiḥ sa eva prakāśaḥ itya- yuktaṃ pravartyapravartakayorbhedāt, pravartyaṃ hi sattvaṃ pravartakaṃ rajaḥ, tasmāt pravartyapravartakatvāt tayorbhedaḥ pallavapavanavat, yathā pallavapavanau pravartyapravartakau parasparato bhinnau tathā sattvarajasī iti . etacca na, tadātmana eva pravṛttatvāt, tasyātmā tadātmā, tadātmanaḥ prakāśātmana eva pravṛttatvāt, sattvarajasorbhedāsiddheḥ pallavapavanavad bhedasādharmyābhāvādayukto'yaṃ dṛṣṭānta iti vakṣyati . tadvyākhyānārthamāha --sannidhimātrāt pūrvavada pravartyavyaktisvarūpaḥ, tathāvyāpāraṇād rajaḥpravṛttyātmarūpāpādanāditaratathātmarūpāpādanād rajovat . rajo'pi hi itaratathāsvarūpāpādanādṛte kimanyat karoti ? evaṃ ca pallavavad raja evāpadyate tathā prakāśasya pravartyatvāt . tathāprakāśānatiriktatattvarūpatvādvā pravṛtteḥ kuto'pallavapavanabhedasādharmyam ? yujyate hi pallava- pravartanāt, iha rajaḥ sannihitamapi prāk sannidhimātrādevāpravartakaṃ svayamapravṛttaṃ sattvādhīnapravṛttitvāt, kintu pravartyamapravartanāt . kastarhi pravartakaḥ ? ucyate --ya evāsau sattvasyātmā prakāśaḥ . kathamiti cet, ucyate --tathāpravartyavyaktisvarūpaḥ, tena tena prakāreṇa śabdādinirvartyaprakāreṇa pravartyavyaktisvarūpaḥ prakāśo nartakācārya iva bhrūkṣepaṇādipravartanābhivyañjanātmanā nartakyāḥ pravartamānaḥ pravartakaḥ . kiṃ kāraṇam ? tathāvyāpāraṇāt, tena vyaktirūpeṇa pravartamānasya rajaso vyāpāraṇāt, sattvenaiva hi prakāśanarūpeṇa pravartamānena rajaḥ pravartyate, tasmāt sattvasyātmā prakāśastathāvyāpāraṇād rajasaḥ pravartaka iti tvadabhimatapravartakatvaviparyayāpattireva rajasaḥ pravartyatvāt sattvena sattvādhīnapravṛttitvāt sattvasyaiva pravartakatvāt pakṣadharmaviparītatā ceti . tacca sattvasya pravartakatvaṃ rajaḥpravṛttyātmarūpāpādanāt, rajaso hi pravṛttirātmā, tadeva rūpaṃ rajaḥpravṛttyātmarūpam, tadāpādyate sattvena, sattvāprakāśite pravṛttyabhāvāt, sattvāpāditaṃ pravṛttyātmakarūpaṃ rajaḥ, tasmād rajaḥpravṛttyātmarūpāpādanāt sattvaṃ pravartakam itaratathātmarūpāpādanād rajovat . rajo'pi hi ityādi, rajaso'pi hi pravartakatvamitthameva yujyate, rajo'pi hi yasmāt tvanmatena pravartamānamitarayoḥ sattvatamasostathāsvarūpāpādanādṛte kimanyat karoti ? pravṛttirūpamevāpādayat pravartakamitīṣyate, nānyathā . yathā tat pūrvaṃ prakāśaniyamātmabhyāmapravṛttayostayoḥ pravartanādeva pravartakamevaṃ sattvamitaratathāsvarūpāpādanāt pravartakamastu, ko doṣaḥ ? - [Previous: 3.47](https://indike.org/pramana/in.jaina.post.dvadasaranayacakra!simhasuri.3.47) - [Next: 3.49](https://indike.org/pramana/in.jaina.post.dvadasaranayacakra!simhasuri.3.49) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.317) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.48](https://indike.org/pramana/in.jaina.post.dvadasaranayacakra!simhasuri.3.48) · Pramāṇa