[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.53 # Dvadasharanayacakra 3.53 Nyāyāgamānusāriṇī 3.53 - **Language:** Sanskrit ### [3.53](https://indike.org/pramana/in.jaina.post.dvadasaranayacakra!simhasuri.3.53) atha pravṛttilakṣaṇaviparītamapi pradhānaṃ pradhānameva avadhāraṇabhedāt, guṇasvātmani guṇa eva lakṣaṇam ityavadhāraṇam, pradhāne tu pravṛttirlakṣaṇameva itarayorapyatyāgāt, taddhyanekarūpaṃ mecakavat . na, uktavadavadhāraṇasyānyāyyatvāt pratijñātavyāghātād ghaṭarūpāditvavat, pradhānatvaṃ prāguktaṃ guṇānām ajāmekāṃ lohitaśuklakṛṣṇām ityādi, idānīṃ pṛthaksvātmānasta ucyante iti tattvaṃ pradhānasya, na pradhānatvaṃ teṣām, rūpādighaṭatvapakṣavat . yadā ca teṣāmeva tattvaṃ tatasteṣāṃ tathā tathetaretarātmasu abhāvādavadhāraṇabhinnabhinnārthatvād nanu tadeva sarvāsarvagatatvamiti lokavadeva tattvāpattiḥ . - [Previous: 3.52](https://indike.org/pramana/in.jaina.post.dvadasaranayacakra!simhasuri.3.52) - [Next: 3.54](https://indike.org/pramana/in.jaina.post.dvadasaranayacakra!simhasuri.3.54) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.318) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.53](https://indike.org/pramana/in.jaina.post.dvadasaranayacakra!simhasuri.3.53) · Pramāṇa