[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.59 # Dvadasharanayacakra 3.59 Nyāyāgamānusāriṇī 3.59 - **Language:** Sanskrit ### [3.59](https://indike.org/pramana/in.jaina.post.dvadasaranayacakra!simhasuri.3.59) kṛtaṃ bhaṅgacakrāvartanam, āpāditaṃ caikaikapūrvakamidaṃ nānekaikapūrvakam ityetadāpannamityāha --evaṃ caikaikapūrvakavādāpattereveti avadhāraṇārthatvādevakārasya, tataśca triguṇapradhānakāraṇakalpanānarthakyamityata āha --kimanekātmakaikakalpanayā ? yadi pravṛttilakṣaṇaṃ pradhānamevaikaṃ prakāśaniyamapravṛttirūpeṇa pravartate pravṛttireva vaikā triguṇarūpā tataścobhayathāpyekaikakāraṇavāda eveti pṛthagātmakatriguṇakāraṇakalpanāvyākhyā āyāsamātram . tasmādekātmakaikameva vyaktyantarasahasrakaraṇāyānekākāraṃ bhavati, yathā prāgvarṇitapuruṣādikāraṇapūrvakānantaprabhedajagatsṛṣṭisamarthaṃ yat tadevāstu anekākāram, kiṃ triguṇam ityetāvatā ? iti . - [Previous: 3.58](https://indike.org/pramana/in.jaina.post.dvadasaranayacakra!simhasuri.3.58) - [Next: 3.60](https://indike.org/pramana/in.jaina.post.dvadasaranayacakra!simhasuri.3.60) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.320) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.59](https://indike.org/pramana/in.jaina.post.dvadasaranayacakra!simhasuri.3.59) · Pramāṇa