[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.68 # Dvadasharanayacakra 3.68 Nyāyāgamānusāriṇī 3.68 - **Language:** Sanskrit ### [3.68](https://indike.org/pramana/in.jaina.post.dvadasaranayacakra!simhasuri.3.68) itara āha --nanvityādi yāvadananyathāvṛttatā . nanvityanujñāpane, prakāśātmakatvādeva pradīpavat sattvasya sarvatodiggatāniyataprakāśasya mahadahaṅkārādisparśarūpādipiṇḍaśivakādipūrvottaravyaktyabhimukhatāyāṃ satyāṃ prakāśanasya sati niyāmake kuḍyādau agneriva kuḍyādinā āvaraṇena niyamyatvam, nāva iva vā sarvadiggamanarodhinā lambanapāṣāṇena guruṇeva dvidhāpi pradeśāntaraprāptirodhinā tamasā prakāśasya dṛṣṭaniyamyatvavad niyamyatvam, tacca ananyathāpravṛttatā, evameva te pravartitavyaṃ nāto'nyatheti . dṛṣṭatvāccānapahnavanīyo bhedo niyamyaniyāmakayoḥ . tasmādanyo niyamaḥ prakāśāditi . - [Previous: 3.67](https://indike.org/pramana/in.jaina.post.dvadasaranayacakra!simhasuri.3.67) - [Next: 3.69](https://indike.org/pramana/in.jaina.post.dvadasaranayacakra!simhasuri.3.69) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.326) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.68](https://indike.org/pramana/in.jaina.post.dvadasaranayacakra!simhasuri.3.68) · Pramāṇa