[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.71 # Dvadasharanayacakra 3.71 Nyāyāgamānusāriṇī 3.71 - **Language:** Sanskrit ### [3.71](https://indike.org/pramana/in.jaina.post.dvadasaranayacakra!simhasuri.3.71) ata uttarastu grantho'rthataḥ samānagamaniko'pi viśeṣya likhyate bhāvanārthaṃ viśeṣaṇātulyatvāt, tadyathā — prakāśātmaiva tu niyamaḥ itarathā sa prakāśo na saḥ, tathā'niyatatvāt, tathā'bhūtatvādityasyaivārthakathanaṃ prāktanavyākhyānavat . rūpādisvarūpaniyatārthaprakāśanāt prakāśaḥ prakāśaḥ syād nānyatheti, tvanmatena ghaṭapuruṣavat, yat tathā aniyataṃ tanna prakāśaḥ, yathā ghaṭaḥ puruṣe na niyato ghaṭe ca puruṣaḥ, yo yaḥ prakāśaḥ sa tathāniyata eva yathā rūparasādi . lokapratītodāharaṇameva ghaṭapaṭavadveti . evaṃ tāvat, prakā niyamyaniyāmakatvād naulambanapāṣāṇavanneti cet, na, tadātmana eva tathāniyatatvāt sannidhimātrāt pūrvavadaniyamanāt . ya evāsau sattvasyātmā prakāśaḥ sa niyāmakaḥ, tathāniyamavidheḥ, itarakartṛvat, tamoniyamātmarūpāpādanāditaratathā- śasya rūpāntaranivṛttirūpaṃ niyamamantareṇa prakāśanābhāvapradarśanād niyamātmakatvamuktam, idānīṃ ya eva niyamaḥ sa eva prakāśa iti tayorananyatvāpādanam, tathāniyatatvāt tena prakāreṇa niyatatvāt rūpaprakāśanarūpeṇa rasādyātmanivṛttyā prakāśasya niyatatvāt, tathāpravṛttatvādityasyaivārthakathanaṃ vṛttiniyativyaktīnāmaikārthyāt, ghaṭaghaṭasvātmavat, yat tathāniyataṃ yat tathāvṛttaṃ yat tathāvyaktaṃ tadeva tat, yathā ghaṭa eva ghaṭasvātmā . yat punastadeva na bhavati na tat tathāniyataṃ tathāvṛttaṃ tathāvyaktaṃ vā, yathā puruṣaḥ . - [Previous: 3.70](https://indike.org/pramana/in.jaina.post.dvadasaranayacakra!simhasuri.3.70) - [Next: 3.72](https://indike.org/pramana/in.jaina.post.dvadasaranayacakra!simhasuri.3.72) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.328) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.71](https://indike.org/pramana/in.jaina.post.dvadasaranayacakra!simhasuri.3.71) · Pramāṇa