[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.76 # Dvadasharanayacakra 3.76 Nyāyāgamānusāriṇī 3.76 - **Language:** Sanskrit ### [3.76](https://indike.org/pramana/in.jaina.post.dvadasaranayacakra!simhasuri.3.76) evaṃ caika eva vinidrāvasthāpuruṣatvavadityādi yāvad bhaṅgacakrāvartanamiti prāguktaṃ bhaṅgacakramāvartya vyākhyeyamiti tadevātidiśati samānatvāt . tatra tu pravṛttireva pradhānaṃ pravṛttyāpattirūpanirūpyatvāt pravṛttisvātmavaditi pravṛttimātratve pradhānabhaṅgacakrakamāvartitam, iha tu pravṛttisthāne niyamaṃ kṛtvā pradhānasthāne pradhānameva ca kṛtvā bhaṅgacakrāvartanaṃ tadvadeva kāryam . punaśca niyamasvātmaiva vā trīṇyapīti puruṣāvasthāvad bhaṅgacakrāvartanaṃ dvitīyaṃ likhitaṃ yathā tathātra pravṛttitraiguṇyavad niyamatraiguṇyaṃ likhitaṃ draṣṭavyamiti . bhaṅgagranthaparivṛttiparimāṇamapyāha --yāvat sukhādananyad duḥkhamitīyaddūram . atra tu viśeṣaḥ sukhādananyo moha iti pratijñā, hetuḥ --anātmatve'śoṣādyātmakatvāditi, dṛṣṭāntaḥ sukhasvātmavaditi . ityādi sākṣepaparihāraṃ pūrvavaditi avadhāraṇena coktasādhanāntarāpakṣiptānyatvo vipakṣābhāvaḥ sūcyata ityādisarvātītavyākhyānaprapañcātideśaḥ . tadvyākhyānopāyadiṅmātrapradarśanaṃ caitat --pravṛttisthāne niyamaṃ kṛtveti . - [Previous: 3.75](https://indike.org/pramana/in.jaina.post.dvadasaranayacakra!simhasuri.3.75) - [Next: 3.77](https://indike.org/pramana/in.jaina.post.dvadasaranayacakra!simhasuri.3.77) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.330) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.76](https://indike.org/pramana/in.jaina.post.dvadasaranayacakra!simhasuri.3.76) · Pramāṇa