[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.86 # Dvadasharanayacakra 3.86 Nyāyāgamānusāriṇī 3.86 - **Language:** Sanskrit ### [3.86](https://indike.org/pramana/in.jaina.post.dvadasaranayacakra!simhasuri.3.86) atrocyate --nanvevamityādi yāvat sattvasvātmavaditi . evameva iti yadetad vacanaṃ tasya dvayī gatiḥ, yathāsmaduktavadekātmakaṃ kāraṇamanekākāraviparivṛtti puruṣavadityabhyupagamāditi taddarśayati sakāraṇam — yathāsmaduktavadvaikatvaṃ rajastamasī api sattvameva, prakāśakāraṇatvaṃ ca tayoryathāprāgvyākhyātaṃ siddham, ata eva tasyāṃ gatau doṣaḥ sa eva puruṣādyanyatamaikakāraṇavādābhyupagama iti . atha tvanmatena jātyantarasukhāditrayakāraṇatadātmakakāryābhyupagamena evameva ityeṣā gatiriti . itara āha--eṣā gatirastu, ko doṣaḥ ? iti, atra doṣakutūhalaṃ ced brūmaḥ --sarvavyaktavyāpi cetyādi, tadeva hyasatkāryatvamitthaṃ bhāvanāntareṇāpādyate, sarvavyaktaṃ śabdādi tantupaṭādi ca vyāpituṃ śīlamasya tadasatkāryatvaṃ sarvavyaktavyāpi, kasmāddhetoḥ ? pratiguṇaṃ prakāśādyordvayoḥ kāryātmanoḥ prāgabhūtatvāt, guṇaṃ guṇaṃ prati pratiguṇaṃ sattve dvayoḥ pravṛttiniyamayoḥ prāgabhūtatvādeva kāryātmanoḥ tathā rajasi prakāśaniyamayoḥ tamasi prakāśapravṛttyoḥ kāryātmanorabhūtatvāt anyaguṇakāraṇakāryātmanāmanyatra vyaktipravṛttiniyatikāryāṇāmasatāmutpattervyavasthānavacanāt prakhyāpanavacanācca abhyupagatatvāt . tasmād vaiśeṣikakāryavadasatkāryatvam . - [Previous: 3.85](https://indike.org/pramana/in.jaina.post.dvadasaranayacakra!simhasuri.3.85) - [Next: 3.87](https://indike.org/pramana/in.jaina.post.dvadasaranayacakra!simhasuri.3.87) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.3.17) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.86](https://indike.org/pramana/in.jaina.post.dvadasaranayacakra!simhasuri.3.86) · Pramāṇa