[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.87 # Dvadasharanayacakra 3.87 Nyāyāgamānusāriṇī 3.87 - **Language:** Sanskrit ### [3.87](https://indike.org/pramana/in.jaina.post.dvadasaranayacakra!simhasuri.3.87) na kevalaṃ vaiśeṣikavadeva, kiṃ tarhi ? bauddhavadvā asatkāryatvam, varaṃ hi vaiśeṣikāsatkāryatulyatvaṃ tadasatkāryatvasya kāraṇaiḥ saha kañcit kālaṃ tiṣṭhata iti tairiṣṭatvāt . idaṃ bauddhāsatkāryatulyameva te prāptam, kutaḥ ? tathābhūtavastunirmūlotpattitvāt, tena prakāreṇa bhūtaṃ vastu śabdo rūpam ityādinā, tathābhūtavastuno nirmūlā utpattiḥ, tadbhāvāt tathābhūtavastunirmūlotpattitvāt . kimarthaṃ punarnirmūlotpattitvāditi siddhe tathābhūtavastugrahaṇam ? dṛṣṭāntadvayenārthadvayapradarśanārtham, tadyathā --dvitīyakṣaṇaghaṭavat, yathā kṣaṇaḥ kṣaṇāntare'nutpanna evottarasmin pūrvo nirudhyate uttaraśca tadanantaramutpadyate nirmūlaḥ nāmonnāmau tulāntayoriva asatkāryāḥ śabdādayaḥ, kāraṇatvāt, anyaguṇātmakasukhapravṛttyādivat itarānupakṛtāvidyamānaprakāśāditrayasukhādikāraṇavat . pratyekamitarānupakṛtavidyamānaprakāśāditrayasvakāryā vā sukhādayaḥ, kāraṇatvāt, śabdādivat tantvādivadvā . atha prakāśātmakayoreva rajastamasoḥ śabdabhāvāya vyavatiṣṭhate sattvaṃ tata ekātmakaikakāraṇatvam, tacca neṣyate . tato yathaiva kāraṇe kāryasya sattvād ghaṭenaiva ghaṭaḥ kriyate tadātmavyaktiprati- ityuktatvāt . tatsahacaritaṃ ca ghaṭādi vastu pūrvasmin niruddhe pāścātyasya pāścātyasyotpādābhyupagamād nirmūlotpattyeveti ubhayaṃ dṛṣṭāntaḥ sādhyaṃ cobhayam, tatsādharmyādidamapi sattvādiprakāśādikāryaṃ śabdādi sāṅkhyamatamiti yojyam . tasmād nirmūlotpattisādharmyād bauddhāsatkāryavādatulyateti . - [Previous: 3.86](https://indike.org/pramana/in.jaina.post.dvadasaranayacakra!simhasuri.3.86) - [Next: 3.88](https://indike.org/pramana/in.jaina.post.dvadasaranayacakra!simhasuri.3.88) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.338) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.87](https://indike.org/pramana/in.jaina.post.dvadasaranayacakra!simhasuri.3.87) · Pramāṇa