[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 3.88 # Dvadasharanayacakra 3.88 Nyāyāgamānusāriṇī 3.88 - **Language:** Sanskrit ### [3.88](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.88) evaṃ prakāśādyasatkāryatve siddhe sarvavyaktāsatkāryatvasādhanam --asatkāryāḥ śabdādayaḥ kāraṇatvāt, yad yat kāraṇaṃ tat tadasatkāryaṃ dṛṣṭam, anyaguṇātmakasukhapravṛttyādivat, anyo guṇaḥ sattvād rajaḥ, tasyātmā sukham, tacca svayaṃ sāmyāvasthāyāmekaprakāśātmakāryamapi sad jātyantararajaskāryapravṛttyātmakamārambhāvasthāyāmiṣṭaṃ tryātmakaśabdādyātmavyavasthānavacanāt, tathā niyamātmakamapi ādigrahaṇāt . ataḥ sukhaṃ sattvaguṇaṃ prāgasatpravṛttiniyamakāryaṃ paścāt tatkāryaṃ dṛṣṭaṃ kāraṇaṃ ca tadvacchabdādayo'satkāryāḥ kāraṇatāṃ ca bibhratīti, evamanyaguṇaduḥkhaprakāśaniyamavat anyaguṇamohaprakāśapravṛttivadityekaikameva dṛṣṭāntaṃ kṛtvā yojyam . etasyārthasya sphuṭīkaraṇārthamāha --itarānupakṛtāvidyamānaprakāśāditrayasukhādikāraṇavaditi, itareṇa rajasā tamasā cānupakṛtau prāgasantau pravṛttiniyamau paścāt tadupakārajanitau sukhe kāraṇe dṛṣṭau, ādigrahaṇādevaṃ duḥkhe prakāśaniyamāvitarānupakṛtau prāgasantau paścāt tadupakārajau tathā mohe'pīti . yadyevaṃ neṣyate tataḥ pratyekamitarānupakṛtavidyamānaprakāśāditrayasvakāryā vā sukhādayaḥ, kāraṇatvāt, śabdādi- vat tantvādivadveti, svaśabdādekasyaiva sattvaguṇasya trayo'pi prakāśādaya ātmīyā eva kāryāstathetarayośceti puruṣādivāda evaiṣa saṃjñāmātravipratipatteriti . evaṃ tāvadaprakāśātmakayo rajastamasoḥ śabdātmanā vyavatiṣṭhamānena tatprakhyātinā sattvena tadātmaprakhyāpane doṣā uktāḥ . - [Previous: 3.87](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.87) - [Next: 3.89](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.89) - [Up: 3](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.338) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.88](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.88) · Pramāṇa