[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 3.94 # Dvadasharanayacakra 3.94 Nyāyāgamānusāriṇī 3.94 - **Language:** Sanskrit ### [3.94](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.94) tathā yaducyate rajaḥ śabdakāryamityādigranthasyāpi samānadauṣṭyāpādanārtho'tideśaḥ bhāṣye eva sulikhitātideśopāyatvād na vivriyate . viśeṣaṇavinyāsopāyaśca sulikhita eva prakāśasthāne pravṛttiṃ kṛtvetyādi sarvamanugantavyaṃ yāvad vāyumiti . tathā tamaḥ śabdakāryamityādi tathaivānugantavyaṃ yāvad lambanapāṣāṇamiti . evaṃ samāpitaprasaṅga idānīṃ sādhanamāha --atastrīṇyapyekamityādi yāvad varaṇāditamastvavaditi . sattvarajastamāṃsi trīṇyapi prakāśapravṛttiniyamātmakāni jātyantarābhimatānyekaṃ vastutaḥ tritvasyātantratvād bhinnamapyabhinnamiti pakṣārthaḥ . paramatāpekṣayā trayāṇāmaikyāsiddheḥ sādhyam . trīṇyapi ca parasya siddhāni dharmitvena asmākaṃ ca vastuśaktitvabhedenetītthaṃ sādhyate, anyathā trīṇī caikaṃ ca iti virudvaṃ syāt . apṛthagbhūtasamavasthānasvarūpabhedātmakatvāt, bhūtaṃ bhavanaṃ bhāvo bhūtiriti bhāve niṣṭhāvidhānādapṛthagbhavanamasya saṅgatyā ekībhāvenāvasthānasya tadidamapṛthagbhūtasamavasthānam, tadeva svarūpaṃ bhedāścātmā yeṣāṃ tāni sattvādīni apṛthagbhūtasamavasthānasvarūpabhedātmakāni, tadbhāvāt . kṣīrodakavad deśakālābhedena sahabhavane'pi saṅgatyaikyāvasthānasvarūpatvaviśeṣaṇāt kvacit kadācit pṛthagbhavanābhāvādityuktaṃ bhavati . tatsvarūpabhedātmakatvaṃ ca vādiprativādiprasiddham . dṛṣṭāntaḥ --varaṇāditamastvavat, yathā varaṇasadanāpadhvaṃsanabaibhatsyadainyagauravāṇāṃ parasparato bhinnānāṃ chādanastambhanaviśaraṇārocanaviṣādādhogamanadharmāṇāṃ bhedātmakatve satyapi mohātmakatamaḥsvārūpyānatikrameṇaikyamapṛthagbhavanasamavasthānasvarūpabhedātmakatvāt tathāsmādeva hetoḥ sattvādīnyekamiti . - [Previous: 3.93.4](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.93.4) - [Next: 3.95](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.95) - [Up: 3](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.343) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.94](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.3.94) · Pramāṇa