[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.95 # Dvadasharanayacakra 3.95 Nyāyāgamānusāriṇī 3.95 - **Language:** Sanskrit ### [3.95](https://indike.org/pramana/in.jaina.post.dvadasaranayacakra!simhasuri.3.95) atrāha --apṛthagbhavanasamavasthānetyādi jātyantaratvasādhanāni yāvad gururityubhābhyāmanya iti, nanūktamanvayavīta eva, atrāha--kathaṃ punaretadupalamyate sukhaḥdukhamohā jātyantarāṇi iti, atrocyate--sukhaṃ laghvapravṛttiśīlaṃ prakāśakaṃ dṛṣṭam, sukhāśca karaṇaprakāśāḥ, tasmāt pravṛttiniyamābhyāmanye . tathā duḥkhaṃ calamaprakāśakaṃ pravṛttiśīlaṃ dṛṣṭam, duḥkhāśca karaṇapravṛttayaḥ, tasmāt prakāśaniyamābhyāmanyāḥ . tathā moho gururaprakāśako dṛṣṭaḥ, mūḍhāśca karaṇaniyamāḥ, tasmāt prakāśapravṛttibhyāmanya iti . etenādhyātmikānāṃ kāryakāraṇātmakānāmityādinottareṇa granthena tairyagyonādisaṃsāragatādhyātmikakāryakāraṇātmakabhedānāṃ sukha apṛthagbhavanasamavasthāna... ...etenādhyātmikānāṃ kāryakāraṇātmakānāṃ bhedānām... ...moho gururityubhābhyāmanyaḥ . nanu lakṣaṇabhedāhetutvam, apṛthagbhūtasamavasthānasvarūpalakṣaṇabhedātmakatvāt, varaṇādibhinnalakṣaṇatamastvavat . duḥkhamohamayatvātideśaḥ kāryakāraṇātmakatvāt teṣāmapīti . asya granthasyārthavyākhyānaṃ sādhanaireva kriyate— sattvarajastamāṃsi jātyantarāṇi, lakṣaṇabhedāt, cetanaśarīravat . lakṣaṇabhedaḥ sattvaṃ laghvapravṛttiśīlaṃ dṛṣṭamityādi tatsādhanairbhāṣye sulikhitamiti na vivṛṇmahe . tathā rajastamasoranyatvāpādanasādhanānyanugantavyāni yāvad gururityubhābhyāmanya iti . - [Previous: 3.94](https://indike.org/pramana/in.jaina.post.dvadasaranayacakra!simhasuri.3.94) - [Next: 3.96](https://indike.org/pramana/in.jaina.post.dvadasaranayacakra!simhasuri.3.96) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.343) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.95](https://indike.org/pramana/in.jaina.post.dvadasaranayacakra!simhasuri.3.95) · Pramāṇa