[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.97 # Dvadasharanayacakra 3.97 Nyāyāgamānusāriṇī 3.97 - **Language:** Sanskrit ### [3.97](https://indike.org/pramana/in.jaina.post.dvadasaranayacakra!simhasuri.3.97) itara āha --nāpṛthagbhūtatetyādi hetvasiddhipratipādanasādhanāni lokaprasiddhadṛṣṭāntāni yāvat pradīpādiva ghaṭa iti . loṣṭadṛṣṭānto vakṣyate sukhaduḥkhamohaiḥ puruṣabhogyairanyonyato'nyairupeta ityatideśasādhanoktikāla uttaratra . apṛthagbhūtasamavasthānasvarūpamasiddham, tat kathamiti cet, sādhanairevocyate --sukhaṃ mohād guroranyadityādi subodhatvānna vyākhyeyaṃ parasparānyatvasādhanakadambakaṃ yathābhāṣyalikhitamanugantavyam . punaścetyādi, etasmādanye sādhanaprapañcāt sukhatvāt duḥkhatvād mohatvādityādayo'pyanyatvahetavaḥ syuḥ, ādigrahaṇāt prasādādayo'pīti . tatprayogadigupapradarśanārthamāha --śarīrendriyagata ātmaikadeśastadekadeśabhūtābhyāṃ rajastamobhyāmanyaḥ, kāryabhūtasya śarīrasya kāraṇabhūtānāṃ cendriyāṇāmādhyātmikānāmekadeśastadātmabhūtatvaṃ gatastadātmabhūtābhyāṃ rajastamobhyāmanyaḥ, sukhatvāt, loṣṭavat, yathā loṣṭo bhogyo hi puruṣasya bhokturupayogārthapravṛtteḥ kapotonnayanārthakṣepaṇādānādiṣu sukhaṃ dṛṣṭaṃdṛṣṭaṃ ṣṭaṃḥ ? calanapīḍanādiṣu duḥkhaṃ loṣṭo nu kapoto nu ityādisaṃśayaviparyayādiṣu mohaḥ . tasmāt sukhaṃ duḥkhamohābhyāmanyad loṣṭavat, loṣṭa iva loṣṭavat . evaṃ duḥkhamohāvityatideśaḥ, duḥkhaṃ śarīrendriyagataṃ tadātmaikadeśabhūtābhyāṃ sattvatamobhyāmanyad duḥkhatvālloṣṭavat, mohaḥ sattvarajobhyāmanyo mohatvālloṣṭavaditi . - [Previous: 3.96](https://indike.org/pramana/in.jaina.post.dvadasaranayacakra!simhasuri.3.96) - [Next: 3.98](https://indike.org/pramana/in.jaina.post.dvadasaranayacakra!simhasuri.3.98) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.3.19) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.97](https://indike.org/pramana/in.jaina.post.dvadasaranayacakra!simhasuri.3.97) · Pramāṇa