[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [Post-canonical works (philosophy, yoga, karma theory, narrative, poetry, history)](https://indike.org/pramana/in.jaina.post) › [Dvādaśāranayacakra](https://indike.org/pramana/in.jaina.post.dvadasaranayacakra) › [Nyayagamanusarini](https://indike.org/pramana/in.jaina.post.dvadasaranayacakra!simhasuri) › 3.98 # Dvadasharanayacakra 3.98 Nyāyāgamānusāriṇī 3.98 - **Language:** Sanskrit ### [3.98](https://indike.org/pramana/in.jaina.post.dvadasaranayacakra!simhasuri.3.98) atra brūmaḥ --sarve'pyeta ityādi . sarvagrahaṇād laghutvādayo mohatvaparyantāstvayoktā anyatvahetavo'prasiddhasādhyadharmasamanvayavyāvṛttayaḥ . ete hetavo'siddhā evāvadhāraṇe iti vakṣyati, siddhatve'pi aprasiddhasādhyadharmasamanvayāḥ pṛthagbhūtasukhādyātmakasattvādilaghvāditūlaloṣṭādivastvabhāvāt, sarvasya traiguṇyāvyatirekācca . na caiṣāṃ vipakṣād vyāvṛttirasti, tūlaloṣṭādereva vipakṣatvena vyavasthānāt . viviktaikasukhātmakāddhi vastuno'nyad viviktaduḥkhādyātmakaṃ syād vipakṣaḥ, tattu nāsti sarvasya triguṇaikātmakatvāt, na puruṣo'sattvāt tasyāpi sukhādanyatvāditi . tataśca tūlaloṣṭāderapi vipakṣatvāt tataśca laghutvādihetūnāmavyāvṛtteraprasiddhasādhyadharmavyāvṛttayaste hetava iti viruddhatvaṃ hetudoṣaḥ . sādhyasādhanobhayānanvayo dharmyasiddhiśca sādharmyadṛṣṭāntaḥ, sādhyāvyāvṛttādidoṣaśca vaidharmyadṛṣṭānta iti darśayati . - [Previous: 3.97](https://indike.org/pramana/in.jaina.post.dvadasaranayacakra!simhasuri.3.97) - [Next: 3.99](https://indike.org/pramana/in.jaina.post.dvadasaranayacakra!simhasuri.3.99) - [Up: 3](https://indike.org/pramana/in.jaina.post.dvadasaranayacakra!simhasuri.3) ## Linked texts (1) - [Dvādaśāranayacakra](https://indike.org/pramana/in.jaina.post.dvadasaranayacakra.3.20) — Mallavādin, Sanskrit --- Source: [https://indike.org/pramana/in.jaina.post.dvadasaranayacakra!simhasuri.3.98](https://indike.org/pramana/in.jaina.post.dvadasaranayacakra!simhasuri.3.98) · Pramāṇa