[Pramāṇa](https://indike.org/pramana/) › [Indian literature](https://indike.org/pramana/in) › [Jain Literature](https://indike.org/pramana/in.jaina) › [The four Anuyogas ("expositions")](https://indike.org/pramana/in.jaina.anuyoga) › [Ontology, epistemology and logic](https://indike.org/pramana/in.jaina.anuyoga.phil) › [Logic and epistemology (pramāṇa, naya, syādvāda)](https://indike.org/pramana/in.jaina.anuyoga.phil.nyaya) › [Standpoints, nikṣepa, saptabhaṅgī](https://indike.org/pramana/in.jaina.anuyoga.phil.nyaya.naya) › [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra) › [Nyayagamanusarini](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri) › 4.48 # Dvadasharanayacakra 4.48 Nyāyāgamānusāriṇī 4.48 - **Language:** Sanskrit ### [4.48](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.48) kiñcānyat, puruṣakārapratyākhyāne sarvaśāstravaiyarthyaprasaṅgaḥ . katham ? yathākramaṃ hitaprāptyahitaparihārāvarthau sarvaśāstrāṇām, tābhyāṃ ca hitāhitaprāptiparihārārthābhyāṃ niruktīkṛtasatyatvāni pramāṇāntarasaṃvādena cikitsitādīni śāstrāṇi, yathā— kaṭukaḥ kaṭukaḥ pāke vīryoṣṇaścitrako mataḥ . tadvad dantī, prabhāvāt tu virecayati sā naram .. carakasaṃ॰ 1 . 26 . 68 nāgarātiviṣāmustākvāthaḥ syādāmapācanaḥ .. carakasaṃ॰ 6 . 15 . 98 ityādīni puruṣatatkriyayorabhāve karmakāraṇaikānte nirākṛtāni syurittham . na ceṣyate tannirākaraṇaṃ kasyacit pramāṇāntarasaṃvādinaḥ śāstrasya prāmāṇyadarśanāt . tvadupadeśādikriyāṇāṃ ca dṛṣṭārthānāṃ nirākaraṇam evamiti vartate, karmakāraṇaikānte punaḥ puruṣasya svatantrasya tatkriyāyāścābhāve parapratipādanārthaṃ tacchaktiyuktaśabdoccāraṇakriyā na syāt karmata eva pravṛtteḥ . ādigrahaṇādodanasya mukhasaṃyojanādikriyāśca na syuḥ, karmapravṛttimātratvāt tatpratipattyapratipattyoḥ, tvadupadeśārthapratipattiḥ karmata eva parasya, sa pratipadyate vināpyupadeśena, na pratipadyate vā satyapyupadeśe . - [Previous: 4.47](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.47) - [Next: 4.49](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.49) - [Up: 4](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4) ## Linked texts (1) - [Dvādaśāranayacakra](https://indike.org/pramana/in.jaina.anuyoga.phil.nyaya.naya.dvadasaranayacakra.4.14) — Mallavādin, Sanskrit --- Source: [https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.48](https://indike.org/pramana/in.jaina.anuyoga.phil.nyaya.naya.dvadasaranayacakra!simhasuri.4.48) · Pramāṇa